Texts
Return to review | Return to list
Vellet myyvväh Joosefi
history
February 02, 2025 in 14:44 Нина Шибанова
- created the text
- created the text: Kun vanhin velli Ruvim kuuli, mitä pahua toiset vellet meinatah Joosefilla ruatua, hiän piätti pelaštua pojan ta šuattua hänet tuaton käsih. Šentäh hiän alko houkutella vellijäh, jotta nämä ei tapettais Joosefie, vain luotais hänet tyhjäh kaivoh. Vellet toteltih Ruvimie. Kun Joosefi tuli heijän luokši, hyö kisottih hänen piältä pitkä värikäš puku ta luotih hänet kuivillah olijah kaivoh. Vähäsen ajan piäštä vellet huomattih lähenijie kauppamiehie, mit kuletettih kamelien šeläššä tavarua Gileadista Jegiptih. Šilloin yksi vellilöistä, Juuta, ehotti, jotta Joosefi myötäis kauppiehilla. Kaikin šuoššuttih šiih, ta kun kauppiehat tultih heijän kohalla, hyö myötih Joosefi kaheštakymmeneštä hopierahašta. Ta niin kauppiehat vietih hänet Jegiptih. Vellet tapettih kosa ta töhrättih Joosefin puku šen verellä. Puku hyö vietih tuatollah ta šanottih: «Tämän myö löysimä. Kačo, onko še poikaš puku vain ei». Juakko tunsi šen ta tušissah karjahti: «Poikani puku! Villipeto on hänet šyönyn, Joosefi on revitelty kuollehekši»! Juakko pitän aikua viihtymättä itki Joosefie yhtänä tietämättä, jotta hänen pojat valeheltih häntä.