Texts
Return to list | edit | delete | Create a new | history | Statistics | ? Help
Joosefi Potifarin talošša
Joosefi Potifarin talošša
Karelian Proper
New written karelian
Kauppiehat tultih
Jegiptih ta myötih Joosefi orjakši korkiearvosella herralla , kumpani oli Jegiptin čuarin varteiččijien piälikkö .Jumala kaikešša autto Joosefie , šentäh kun hiän aina kiänty Jumalan puoleh .Niinpä Joosefi orjanaki ollešša mänešty kaikissa hommissa , mitä hänellä ruattavakši annettih .
Joosefin isäntä Potifar huomasi , jotta Jumala anto Joosefin mäneštyö kaikešša .Šiksi hiän mielty Joosefih ta pani hänet koko talon hoitajakši ta anto hänen käsih kaikki hyvyöh .Joosefin tähen Jumala plahoslovi korkiearvosen herran taluo .Joosefi nerokkahašti hoiti talon aseita , eikä isännän tarvinnun niistä yhtänä huolehtie .
Joosefi oli komie nuorukaini .Potifarin naini mielty häneh ta rupesi muanittelomah häntä riähkäh .Ka Joosefi kieltäyty ta šano : "Mitein mie …voisin ruatua niin pahoin ta männä Jumalan kieltoja vaštah ".Ta vaikka naini päiväštä toiseh muanitteli Joosefie riähkäh , Joosefi ei myöntyn .
Šiitä erähänä päivänä , konša talonväkie ei ollun koissa , naini tarttu Joosefin vuatteih .Šilloin Joosefi pakeni pihalla , vain hänen vuattiet jiätih naisen käsih .Naini piti vuatteita šini , kuni hänen mieš tuli kotih .Šiitä hiän rupesi viärittämäh Joosefie mieheh ieššä : "Tuo orja jevrei , kumpasen šie toit meilä , tuli miun luokši häpyämäh milma .Ka kun mie kil’l’ahin ta rupesin karjumah , hiän jätti vuattieh miun viereh ta juoksi pakoh ".Isäntä äijälti šiänty .Hiän otti Joosefin kiini ta pani hänet tyrmäh , paikkah , missä piettih čuarin vankija .
Joosefi Potifarin talošša
Karelian Proper
New written karelian