Texts
Return to list | edit | delete | Create a new | history | Statistics | ? Help
Joosefi tyrmäššä
Joosefi tyrmäššä
Karelian Proper
New written karelian
Jumala
piti Joosefista huolta tyrmäššäki ta oli hänen kera , niin jоtta šai tyrmän piälikön šuvaččomah häntä .Piälikkö uško Joosefih , pani hänet toisien vankien kaččojakši , ta Joosefi huolehti kaikešta , mitä šielä ruattih .Eikä tyrmän piälikkö yhtänä kaččon Joosefin peräh , šentäh kun Joosefi Jumalan avulla ruato kaiken hyvin .Jumala anto Joosefin onnistuo kaikešša .
Šamašša tyrmäššä Joosefin kera oli kakši čuarin paššarie .Yksi heistä oli paššannun čuarin stolašša , kuatan hänellä viinua .Häntä šanottih viinankuatajakši .Toini oli leipuri , ta hiän oli kantan čuarin stolalla kaikenmoista sriäpnyä .Pahanruannista čuarie vaštah hyö oli jouvuttu tyrmäh .
Tyrmäššä ollešša viinankuataja ta leipuri nähtih kumpiki unen , vain ei voitu šelittyä niitä .Joosefi šano heilä : "Unien šelitykšet tullah Jumalalta , ka kertokkua kuitenki miula omat unena ".Enšin viinankuataja kerto uneh .Hiän oli nähnyn unissah kolmehuarasen viinamarjapuun okšan .Šamašša kun šiih puhettih lehet , še jo kukki , ta ruttoh kašvettih ta kypšyttih šen marjatki .Hiän keräsi ne marjat , puristi niistä mehun čuarin mal’l’ah ta anto šen čuarilla .Joosefi heti šelitti unen : "Ne kolme huarua merkitäh kolmie päivyä .Kolmen päivän piäštä čuari vapauttau šiut ta panou entiseh hommahaš .Šiitä tuaš annat mal’l’an čuarin käteh niinkuin enneinki , konša olit hänen viinankuatajana ".
Šen jälkeh leipuri kerto oman uneh .Hiän oli nähnyn unissah , jotta hänen piän piällä oli kolme vakkua .Ylimmäiseššä vakašša oli kaikenmoista sriäpnyä čuarilla šyötäväkši , ka linnut tultih ta šyötih ne .Joosefi šano : "Täššä šiula unen šelityš .Ne kolme vakkua merkitäh kolmie päivyä .Kolmen päivän piäštä čuari vapauttau šiutki : hiän riputtau šiut hiršipuuh ta linnut n’okitah šiun lihaš ".
Kolmen päivän piäštä kummallaki kävi juštih niin , mitein Joosefi oli heilä šanon .
Joosefi tyrmäššä
Karelian Proper
New written karelian