Texts
Return to list | edit | delete | Create a new | history | Statistics | ? Help
Joosefi šelittäy čuarin unet
Joosefi šelittäy čuarin unet
Karelian Proper
New written karelian
Parin vuuvven
piäštä šen jälkeh , kun viinankuataja oli piäššyn tyrmäšta , čuari näki unen .Unešša hiän oli šeisovinah Niili-virran rannalla .Yhtäkkie virrašta nousi šeiččemen lihavua lehmyä ta ne mäntih šyömäh kaislikkoh .Niijen jälkeh Niilistä nousi šeiččemen laihua lehmyä .Laihat lehmät šyötih ne lihavat lehmät .Šiih čuari havaččeutu .Uuvveštah n’ukahtuan hiän näki toisen unen .Šamašša korrešša kašvo šeiččemen täyteläistä ta kaunista tähkyä .Niijen jälkeh puhkesi näkyvih šeiččemen tuulen kuivattamua laihua tähkyä , mit nieltih ne lihavat tähkät .
Huomenekšella čuari oli huolissah unien tähen .Hiän kučču luokšeh kaikki Jegiptin viisahat ta kerto heilä uneh .Vain kenkänä ei voinun šelittyä niitä .
Šilloin viinankuataja šano čuarilla nuorešta Joosefi-nimiseštä jevreistä .Še oli tyrmäšša šelittän hänen ta leipurin unet , ta kävi juštih niin , kuin Joosefi oli heilä šanon .Čuari kučutti kiirehešti Joosefin ta šano hänellä : "Mie olen nähnyn unie , eikä kenkänä šuata niitä šelittyä .Miula šanottih , jotta šie voit šelittyä unen heti šen kuultuo ".Joosefi vaštasi : "Mie iče en voi , ka Jumala voit antua čuarilla oikien šelitykšen ".Šiitä čuari kerto hänellä molommat unet .
Joosefi šano : "Unien kautti Jumala tahto jiävie čuarilla , mitä Hiän meinuau ruatua .Šeiččemen kaunista lehmyä ta šeiččemen kaunista tähkyä tiijetäh , jotta Jegiptissä tulou šeiččemen vil’l’avuotta .A šeiččemen laihua lehmyä ta šeiččemen tyhjyä tähkyä luvatah šeičentä nälkävuotta , mit tullah vil’l’avuosien peräh .Ne kakši čuarin unta peräkkäh tuaš merkitäh šitä , jotta Jumala on asien varmašti piättän ta panou šen toteutumah ".
Joosefi neuvo čuarie ašettamah Jegiptih viisahan halliččijan , kumpasen käšyštä šeiččemenä vil’l’avuotena kasnattais vil’l’ua niitä šeičentä nälkävuotta varoin .
Joosefi šelittäy čuarin unet
Karelian Proper
New written karelian