Texts
Return to list | edit | delete | Create a new | history | Statistics | ? Help
Čuarin tytär löytäy Moissein
Čuarin tytär löytäy Moissein
Karelian Proper
New written karelian
Čuari
näki , jotta jykie työ ei kuatan israelilaisie , a šai heijät entistä voimakkahammiksi .Šilloin hiän miäräsi , jotta heti kun israelilaisilla šyntyy poikalapši , še pitäy heittyä Niili-jokeh .
Niih aikoih eräš israelilaisnaini šai pojan .Tämä naini uško , jotta Jumala pitäy huolen hänen platenčašta , niin jotta čuarin tappokäšyštä huolimatta lapši jiäy eloh .Kolme kuukautta muamo peitteli poikuah .Vain kun lašta ei šuanun enämpi pityä peitošša , hiän otti vakan , tervasi šen , pani pojan šiih ta peitti kaislikkoh Niilin rannalla .Pojan čikko jäi vähäsen matan piäh , jotta näkis , mitein lapšella käyt .
Čuarin tytär tuli pešeytymäh Niilin rantah paššarinaisieh kera .Yhtäkkie hiän huomasi kaislikošša vakan ta kuuli lapšen itun .Hiän käški paššarin vakkua käymäh .
Vakan avattuoh čuarin tytär näki itkijän platenčan , hyväččäisen pojan .Hänellä tuli suali lašta ta hiän piätti ottua šen luokšeh , omakši pojakšeh .
Šiih šamaseh aikah paikalla tuli pojan čikko ta kyšy , jotta voisko hiän eččie naista lapšella imettäjäkši .Čuarin tytär anto luvan .Kun tyttö toi muamoh , čuarin tytär šano : "Ota tämä lapši matkahaš ta imetä šitä milma varoin , nin mie makšan šiula palkan ".Muamo hyvillä mielin otti lapšeh ta kiitti Jumalua šiitä , jotta tämä kuuli hänen molitvan .Kun poika vähäsen kašvo , muamo vei hänet čuarin tyttärellä .Poika eli čuarin tyttären luona ta oli tällä kuin oma lapši .Hiän šai nimen Moissei .
Vaikka Moissei kašvoki čuarin oloissa , hiän tiesi , jotta on jevrei .Kerran , jo ruavahana olleššah , hiän mäni käymäh heimovellieh luona ta näki mitein heitä kiušatah .Kun Moissei huomasi , jotta jegiptiläini lyöy eräštä jevreitä , häneššä šytty himo puoluštua heimolaistah .Hiän kačahti ympärilläh , ta nähtyöh , jotta lähellä ei ole ketänä , otti ta tappo jegiptiläisen ta peitti šen ruumihin hiekkah .
Toisena piänä Moissei näki kahen jevrein keškenäh toruamašša .Hiän kyšy yheltä : "Miksi lyöt vellieš "?Tämä vaštasi : "Mi šie olet meijän käškijä tai komentelija ?Meinuatko tappua miutki , kuin tapoit šen jegiptiläisen "?Moissei pöläšty ta ajatteli : "Totta še tapanta kuiteinki tuli ilmi ".Kun čuarilla kerrottih tapahukšešta , hiän tahto tappua Moissein .
Moissei pakeni čuarista Midianin muah .Šielä hiän tuttavuštu pappi Jetroh ta tämän pereheh ta jäi elämäh heijän luokši .Pappi anto tyttäreh Sipporan Moisseilla naisekši .
Čuarin tytär löytäy Moissein
Karelian Proper
New written karelian