Texts
Return to list | edit | delete | Create a new | history | Statistics | ? Help
Hospoti viey israelilaiset pois Jegiptistä
Hospoti viey israelilaiset pois Jegiptistä
Karelian Proper
New written karelian
Niin
Moissei otti naiseh ta poikah , jätti Midianin muan ta mäni Jegiptih .
Moisseilla oli Jegiptissä velli nimeltä Aaron .Jumala pakasi Moisseilla : "Mäne velleš Aaronin kera faraonin luo ta šano hänellä : "Näin šanou Hospoti , Israelin Jumala : Piäššä Miun rahvaš viettämäh Miun pruasniekkua tyhjäššä muašša "".No faraoni šano : "Mie en tunne taivahaista hospotie enkä piäššä rahvašta lahtömäh ".Šentäh Jumala anto jegiptiläisillä yhekšän pahua petua , ka faraonin šyväin pisy kovana eikä hiän antan israelilaisien lähtie muašta .Šilloin Jumala työnti Jegiptih pahimman petan : jokahisen jegiptiläisen enšimmäini lapši kuoli , šamoin ni karjan jokahini enšivasikka kuoli .Yöllä čuari kučču Moissein ta Aaronin luokšeh ta šano : "Mänkyä , pois miun kanšani kešeštä , työ iče ta kaikki israelilaiset .Mänkyä molimah Jumalua , kuin oletta paissun šiitä .Ottakkua matkah lampahana , kosana ta šiivattana , mitein tahtojaki , ta mänkyä .Ta kun nyt lähettä , nin molikkua Jumalaltana miula kaikkie hyvyä ".Jegiptiläiset hoputettih israelilaisie lähtömäh heti pois muaštah .Hyö niät mietittih : "Muitein myö kaikin kuolemma ".
Israelilaiset liikkeyvyttih Ramseksešta Sukkotie kohti .Heitä oli noin kuušišatuatuhatta mieštä ta šen lisäkši vanhukšet , naiset ta lapšet .Hyö otettih matkah šuuret lammaškarjah , kosat ta šiivatat .Šamalla heijän kera läksi äijän šekalaista väkie .Jegiptistä matkah otetušta taikinašta hyö leivottih rieškua .Heijät niät oli ajettu pois Jegiptistä ennein , kun heijän taikinat oli keritty hapata , eikä heilä ollun muutakana matkaeväštä .
Israelilaiset oli eletty Jegiptissä kaikkijah nelläšatuakolmekymmentä vuotta .
Jumala kuletti Israelin rahvahan tyhjän muan kautti viejyä tietä myöten Kaislamerellä .Yksi Hospoti tiesi , minne heijät piti šuattua .Šentäh hiän kulki rahvahan ieššä päivillä pilvipaččahana , näyttyän heilä tietä , ta öisin tulipaččahana , valottuan heijän tietä .Niin hyö voitih matata päivällä tai yöllä .Konša pilvi pietty , israelilaiset ašetuttih levähtelömäh , a konša liikkeyty , nin rahvaš šen peräššä jatko matkuah .Pilvipačaš oli aina kulkijien ieššä päivällä ta tulipačaš yöllä .
Hospoti viey israelilaiset pois Jegiptistä
Karelian Proper
New written karelian