Texts
Return to list | edit | delete | Create a new | history | Statistics | ? Help
Einuššukšie Messijan enšimmäiseštä tulošta
Einuššukšie Messijan enšimmäiseštä tulošta
Karelian Proper
New written karelian
Jumala
valičči muajilmašta yhen rahvahan , jotta še šäilyttäis ušon häneh , tosi Jumalah , ta eläis hänen käškyjen mukah .Hiän valičči Israelin jälkiläiset .Jumala pakasi moničči omien viessintuojien avulla Israelin rahvahalla , muajilman pelaštajan , Messijan tulošta .Jevreinkielini šana Messija ta kreikankielini šana Hristossa merkitäh šamua : Jumalan voitelomua čuarie .Niinpä esimerkiksi Jumalan viessintuoja Isaija šano jo šeiččemenšatua vuotta ennein Iisussan Hristossan šyntymistä näin : "Lapši on šyntyn meilä , poika on meilä annettu .Hiän kantau valtua harteillah , hänen nimi on Ihmellini Neuvonantaja , Voimakaš Jumala , Ilmanikuni Tuatto , Rauhan Isäntä ".
Jumalan viessintuoja Mihei einušti , jotta Messija šyntyy Viflejemissä , Juutan šukukunnan alovehella .
Isaijan kirjan 53.luvušta niämmä , mi on Messijan tulon tarkotuš : "Hiän kanto meijän kivut , otti harteillah meijän tauvit .Myö uškoma , jotta omista töistäh hiän käršiy kuritušta , arvelima Jumalan häntä niistä lyövän ta kurittavan .Ka meijän riähistä še häntä pissettih keijähällä ta meijän pahojen ruatojen tähen häntä muokattih .Hiän kärši kuritukšen , jotta meilä ois rauha .Hänen huavojen hinnalla myö olemma parennun .Myö kiertelimä ekšykšissä kuin lampahat , jokahini meistä kiänty omalla tielläh .No Jumala pani meijän kaikkien riähät hänen kannettavakši .Häntä piinattih , ta hiän alistu šiih , ei hiän šuutah avannun .Kuin karičča , kumpaista tapettavakši viijäh , niin kun lammaš , kumpani on iänettä keriččijäh ieššä , hiänki ei šuutah avannun ".
Ta niin ni kävi !Jumalan šana on erehtymätöin .Kaikki nämä einuššukšet toteuvuttih Iisussan Hristossan tullešša muan piällä .Tämän kirjan toisešša ošašša kerrotah Iisussan šyntymiseštä , hänen elämäštä ta opaššukšista , hänen kuolomašta ta kuollehista noušennašta .
Einuššukšie Messijan enšimmäiseštä tulošta
Karelian Proper
New written karelian