Texts
Return to list | edit | delete | Create a new | history | Statistics | ? Help
Iisussan Hristossan šyntymäštä ilmotettih
Iisussan Hristossan šyntymäštä ilmotettih
Karelian Proper
New written karelian
J
umala työnti muajilmah oman Poikah Iisussan Hristossan pelaštamah ihmiskunta riähän ta kuoloman vallašta .Hänen šyntymini alotti uuvven aikakauven .Miän ajanlašku niise alotetah Iisussan Hristossan šyntymäštä .Iisussan šyntymä on ihmetyttävä .
Pieneššä Nasaretin linnašša Pohjois-Israelissa eli nuori tyttö nimeltäh Muarie .Hiän tykkäsi Jumalua ta hänellä oli puhaš syväin .Kerran hänellä ilmešty Jumalan työntämä anheli Gavrila .Anheli šano hänellä : "Terveh , Muarie !Šie olet šuanun armon Jumalan šilmissä , ta Hiän on šiun kera ".
Kun Muarie näki anhelin , hiän pöläšty ta ihmetteli , mitä vois tarkottua tämmöni tervehtimini .Anheli jatko : "Elä varaja , Muarie .Jumala on mieltyn šiuh .Šie tulet pakšukši ta šuat Pojan , ta šie annat Hänellä nimen Iisussa .Häneštä tulou šuuri , ta Häntä ruvetah šanomah Ylimmäisen Pojakši ".Muarie kyšy anhelilta : "Mitein še vois olla ?Miehän en ole miehellä ".Anheli vaštasi hänellä : "Pyhä Henki tulou šiun piällä , ta Ylimmäisen voima kattau šiut .Šentäh Lapši , kumpani šyntyy , on pyhä , ta Häntä kučutah Jumalan Pojakši ".
Muarie oli kihloissa Josefin kera .Ennein heijän yhteh mänyö šelvisi , jotta Muarie oli pakšuna Pyhäštä Henkeštä .Hänen šulhani Josefi oli oikiemielini mieš eikä tahton Muariella häpietä rahvahan šilmissä .Šentäh hiän tahto peitočči purkua kihlat .
Konša Josefi tuumaičči tätä , hänellä näyttäyty unešša Hospotin anheli ta šano : "Josefi , Tuavitan poika , elä varaja ottua Muarieta ičelläš naisekši .Še , mi Häneh on šikeytyn , on Pyhäštä Henkeštä .Hiän šuau Pojan , ta šiun pitäy antua Hänellä nimi Iisussa , šentäh kun Hiän piäštäy oman rahvahan šen riähistä ".
Iisussan Hristossan šyntymäštä ilmotettih
Karelian Proper
New written karelian