Texts
Return to list | edit | delete | Create a new | history | Statistics | ? Help
Vuarapakina – Iisussa ta Sakona
Vuarapakina – Iisussa ta Sakona
Karelian Proper
New written karelian
"Elkyä smiettikkyä
, jotta Mie tulin Sakonua tahi Jumalan viessintuojien kirjutukšie hävittämäh . En Mie tullun niitä hävittämäh , vain täyttämäh .Šanon teilä toven : kuni taivaš ta mua ollah olomašša , Sakonašta ei hävie yksikänä kirjain , ei pieninkänä merkki .Kaikki šiih kirjutettu tulou tovekši .Mie šanon teilä : kun työ että täyttäne Jumalan tahtuo paremmin mitä sakonanopaštajat ta farisseit , nin työ että piäše Taivahien Valtakuntah .
Työ tiijättä , jotta tuattoloilla on ammusista ajoista opaššettu : "Elä tapa ".A ken tappau , še joutuu vaštuamah šiitä suutun ieššä .Ka Mie šanon teilä : jokahini , ken tyhjän tähen on vihoissah velleh piällä , joutuu vaštuamah šiitä suutun ieššä .A ken šanou vellelläh : "Olet höperö ", še joutuu vaštuamah omista šanoista Neuvokunnan ieššä , ta ken šanou : "Šie mieletöin ", še joutuu uatun tuleh .
Niin jotta konša šie viet uhrilahjuaš alttarilla ta šiinä muissat , jotta vellelläš on mitänih šilma vaštah , nin jätä lahja alttarin eteh ta käy enšin šopimašša velleš kera .Šiitä vašta mäne antamah lahja Jumalalla .
Työ tiijättä , jotta tuattoja on opaššettu : "Elä makua vierahan naisen kera ".Ka Mie šanon teilä : jokahini , ken kaččou vierahah naiseh himolla , šiämeššäh jo makasi hänen kera .Kun oikie šilmäš muanittanou šilma riähkäh , revällä še ta lykkyä pois .Onhan šiula parempi , kun mänetät yhen ošan runkoštaš , mitä kun koko šiun runko luuvvah uatuh .Ta kun šiun oikie käsi muanittanou šilma riähkäh , leikkua še pois ta lykkyä mänömäh .Parempi šiun on mänettyä runkoš yksi oša , mitä kun koko runkoš joutuu uatuh .
Työ tiijättä , jotta tuattoja on opaššettu : "Elä valehtele , konša pošiuvut " ta "Täytä Hospotilla annettu šana ".A Mie šanon teilä : Elä konšana pošiuvu .Elä taivahan kautti , šentäh kun še on Jumalan valtaissuin ; elä muan kautti , šentäh kun še on Hänen jalkojen alušta , elä Jerusalimin kautti , šentäh kun še on šuuren Čuarin linna .Eläkä pošiuvu oman piäš kautti , šentäh kun et šie voi muuttua yhtäkänä tukkua muššakši etkä valkiekši .Konša myönnättä , šanokkua vain : "Ka no ".Konša kiellättä , šanokkua : "Ei ".Mitä šanotta tämän lisäkši , še on juavelista ".
Vuarapakina – Iisussa ta Sakona
Karelian Proper
New written karelian