Texts
Return to list
| edit | delete | Create a new
| history
| Statistics
| ? Help
Peittopakina ekšyneheštä lampahašta ta katonehešta rahašta
Source:
Piiplijan kertomukšie [Библейские рассказы на карельском (севернокарельском) языке], 2018, p. 90
LUKA 15:1-10
Peittopakina ekšyneheštä lampahašta ta katonehešta rahašta
Karelian Proper
New written karelian
Iisussua kuuntelomah tuli äijän veronkeryäjie ta muita riähkähisie. Farisseit ta sakonanopaštajat moitittih Häntä, šanottih: "Tuo Mieš ottau vaštah riähkähisie ta šyöy heijän kera".
Šiitä Iisussa šano heilä tämän peittopakinan: "Kun kellä teistä ollou šata lammašta ta yksi niistä ekšynöy, nin mitä hiän ruatau? Tietyšti hiän jättäy ne yhekšänkymmentä yhekšän paimennušpaikalla ta lähtöy eččimäh ekšynyttä ta eččiy šini, kuni ei löyvä šitä. Konša hiän löytäy lampahan, hiän ihaštuu ta noštau šen harteillah. Kotih tultuo hiän kuččuu tovarissoja ta nuapurija ta šanou heilä: "Iloilkua yheššä miun kera! Mie löysin ekšynehen lampahan". Šanon teilä: niin on taivahaššaki. Šielä iluol’l’ah enemmän yheštä riähkähiseštä, kumpani kiäntyy Jumalan puoleh, mitä yhekšäštäkymmeneštä yhekšäštä hyväštä ihmiseštä, kumpasien ei tarviče kiäntyö.
Tahi otamma naisen, kumpasella on kymmenen hopierahua ta hiän kavottau niistä yhen. Eikö hiän viritä lamppuo, pyyhi pirttie ta eči tarkkaseh, kuni ei löyvä rahua? Šiitä hiän kuččuu tovarissoja ta nuapurin naisie ta šanou: ‘Iloilkua miun kera! Mie löysin rahan, kumpasen kavotin’. Uškokkua pois, jotta šamalla keinoin iluol’l’ah Jumalan anhelit yhenki riähkähisen tähen, kumpani kiäntyy Jumalan puoleh".
