Texts
Return to list | edit | delete | Create a new | history | Statistics | ? Help
Armollini tuatto
Armollini tuatto
Karelian Proper
New written karelian
Vielä
Iisussa kerto rahvahalla tämän peittopakinan :
"Yhellä miehellä oli kakši poikua .Nuorempi šano tuatollah : "Tuattoni , anna miula še oša hyvysistä , mi miula kuuluu ".Tuatto jako hyvyset poikien kešen .Moniehan päivän piäštä nuorempi poika otti oman ošan ta läksi loitoš vierahilla mailla .Šielä hiän eli huolettomašti ta mänetti kaikki hyvyset .Konša hiän jäi tyhjin käsin , šiinä muašša alko šuuri nälkä , ta hiän rupesi käršimäh puutetta .Šiitä hiän pyrki kasakakši eryähällä paikallisella miehellä , ta še mieš toimitti hänet omilla maillah paimentamah šikoja .Nälissäh hiän oli jo valmis šyömäh šikojen ruokua , ka šitäki hänellä ei annettu .
Šiitä poika rupesi ajattelomah ta piätti : "Kuin äijä ruatajie on miun tuatolla , ta kaikilla heilä on leipyä kyllitellein !A mie tiälä nälkäh kuolen .Lähen tiältä , mänen tuaton luo ta šanon hänellä : Tuattosen , mie olen riähkäytyn taivahan ta šiun ieššä .En ole enämpi šen arvoni , jotta milma kučuttais šiun pojakši .Ota miut ruatajien joukkoh ".Tai hiän läksi tuattoh luo .
Poika oli vielä loittuona , kun tuatto näki hänet .Tuatolla tuli suali häntä .Hiän läksi juokšomah vaštah , rupesi šepyämäh poikuah ta anto hänelle suuta .Poika šano hänellä : ‘Tuattosen , mie olen riähkäytyn taivahan ta šiun ieššä .En ole enämpi šen arvoni , jotta milma kučuttais šiun pojakši’ .A tuatto šano ruatajilla : ‘Rutompah tuokua parahat vuattiet ta šuorittakkua poika niih .Pankua hänellä šormuš šormeh ta jalačit jalkah .Käykyä lihotettu vasikka ta tappakkua še .Rupiemma šyömäh ta pruasnuimah .Tämä miun poikani oli kuollun ta nyt eleyty , hiän oli kateissa ta nyt löyty’ .Ta niin alko vesselä pruasniekka… "
Armollini tuatto
Karelian Proper
New written karelian
"