Texts
Return to list | edit | delete | Create a new | history | Statistics | ? Help
Iisussa elävyttäy tytön
Iisussa elävyttäy tytön
Karelian Proper
New written karelian
Konša
Iisussa myöšty venehellä järven toisella puolella , Hänen luo keräyty äijän rahvašta .Hiän oli vielä rannalla , kun šinne tuli yksi sinagogan vanhimmista , Jairi nimeltäh .Iisussan nähtyö Jairi heittäyty Hänen jalkoih ta pyrittämällä pyritti Häntä : "Miun tytär on kuolomaisillah .Lähe ta pane käteš hänen piällä , nin hiän parenou ta jiäy eloh ".Iisussa läksi miehen kera .
Hänellä jäleššä matkasi šuuri rahvašjoukko .Šiitä sinagogan vanhimmalla tuotih koista viesti : "Tyttäreš jo kuoli , elä enämpi vaivua Opaštajua ".Kun Iisussa kuuli tämän , Hiän šano Jairilla : "Elä varaja , vain ušo ".Hiän ei ottan ketänä muuta kerallah kuin Petrin , Juakon ta hänen vellen Iivanan .Hyö tultih sinagogan vanhimman kotih , šieltä kuulu šuuri hälineh .Šielä oli ihmisie valittamašša ta iänelläitkömäššä .Pirttih mäntyö Iisussa šano : "Mitäpä tiälä hälissäh ta itetäh ?Lapši ei ole kuollun , hiän makuau ".Iisussua ruvettih nakramah .A Hiän ajo kaikki ihmiset pihalla , otti kerallah lapšen tuaton ta muamon ta omat matkalaiset ta mäni kamarih , missä lapši oli .Hiän otti lašta kiäštä ta šano hänellä : "Talifa kumi !"mi merkiččöy "Tyttö , šanon šiula : nouše !"Šillä šanalla tyttö nousi jaloillah ta rupesi kävelömäh .Hiän oli kakšitoistavuotini .Kaikin , ket nähtih tämä , äijälti kummekšittih .
Iisussa elävyttäy tytön
Karelian Proper
New written karelian