Texts
Return to review | Return to list
Päiv ilma internetata
history
February 26, 2025 in 10:56 Нина Шибанова
- created the text
- created the text: Rahvahidenkeskešt Päiväd internetata praznuitas kogonaižes mirus jogahižel vodel. Se om vilukun jäl’gmäižen pühäpäivän. Necen praznikan pätegendan om erigoitta ristituid tedomašinoišpäi da internetaspäi, miše enamba aigad mänetada todesižes mirus, kosketadas läheližidenke, tehta midä-se melentartušt käzil. Necidä praznikad surel tahtol praznuičiba Šoutjärven eläjad. Sil päiväl Šoutjärven kirjišt tegihe sijaks, kuna kerazihe lapsid da aigvoččid vändmaha, kosketamhas toine toiženke, mänetamha aigad veslas. Školan pämehen nevonik kazvatuzradon mödhe Sem’on Jefremov da kirjišton radnik Jekaterina Mironova vaumištiba lapsiden täht melentartuižid stolvändoid da tegendoid. Lapsed surel tahtol iloitelihe toine toiženke, vändiba erazvuiččihe vändoihe joukuiš. Oli vaumištadud vändoid vanhembiden da heiden kazvatajiden-ki täht. – Mö hüvin mänetim aigad, tedištim midä-se ut, unohtim hot’ vähäižeks ičemoi telefonoiš, – sanuba akcijan tegijad.