VepKar :: Texts

Texts

Return to review | Return to list

MATKAH

history

March 13, 2025 in 16:34 Нина Шибанова

  • created the text
  • created the text: Juattu meijän aigu Päiväkse da yökse, Valgiel hyvin nägyy, Yöl voibi yöksyö. Valgei puolet aigoi, Pimei toine moine. Hyvä, ku vie yöl Ollou kuudamoine. Puolekkai on ilmu, Elos kahtei juattu, Päiväl nägöy silmy, Yöl pidäy muata. Yön pimies matkah Koispäi älä lähte, Eiga jovvut keskel Mintäh tyhjän tähte. Valmehekse keriä Eviät, viestit, mielet, Vaste huondespuoleh Polle uvvel tiele. Yön pimies matkah Koispäi älä lähte. Tahtonet gu kodih Tulla konzutahto. Tartuu valgei langu Oman uksen pieleh, Ainos mustau jalgu Matkan kodiveriäh. Hyvä viesti koispäi Lendäy sinun peräh, Päiväine kui muamo Matkah sinuu keriäy. Huondespuolen vägie Pimei yö ei katkua, Päiväzelpäi mieldy Suat tien jatkoh. Vähäzel vai taivas Ruskottamah rubieu, Päiväine jo tiedäy, Roihgo taival hyvä. Kahtu kerdua päiväl Vägevembi roittos. Päivy voiman andau Oman ylen loitos.

The site was created by the staff of the Karelian Research Center of the Russian Academy of Sciences
You can freely use the materials of our site and share them, most importantly - indicate authorship and a link to our resource.
More about the CC BY 4.0 license
© VepKar. Open corpus of Veps and Karelian languages