Texts
Return to list | edit | delete | Create a new | history | Statistics | ? Help
Nina Zaiceva. Minun vepsläine oza
Nina Zaiceva
Minun vepsläine oza
Veps
New written Veps
Nece
lühüdan novellan vai povestin idei tuli minei pähä jo amu .No nechesai pidi küpseta , miše išttas kirjutamha i udes , i udes pördmahas sihe eloho , sen ozavihe i opaloihe , a erašti ka kibedoihe-ki polihe .Nece ei ole kebn azj , sikš ku tarbiž kuti udes läbi eläda nene aigad , pordod , lühüdad minutad , miččed udes käskeba südänt ühtneda sihe eloho i niihe tegoihe .Mel’he tuliba külä - i kanzelon kuvad , elon kožmuz ümbriolijan londusenke vai prirodanke , sen nähmatomiden olijoidenke , miččid küläs kuctihe emägaižikš da ižandaižikš .Johtuiba muštho baboin i dedoin sarnad , miččiš nene emägaižed da ižandaižed oliba kuti eläbad ičeze sijal .Kaikuččel rahvahal ned oma ičezevuiččed .
Taht ozutada , midä oli meil , vepsläižil , tuli muštho i ei pästand mindai valdale , se vedi mindai kacuhtamha necidä elod ühten külän da kanzan ozutesel .Sikš bumagale tuliba-ki nene kuvad , miččed elos oliba i miččid ei-ki olend ,tuliba muštho külän armhad eläjad , no ei olend tahtod kaikid kucta heiden ičeze nimil .Ved’ nece om kaikuččen ristitun hänen personaline elo , sikš nimed om vajehtadud , i kaik om anttud minun mušton da hengen kal’t , kut minä necidä nägin , rižoin , muštin .Erasid tegoid da azjoid , kut novellan olijoid-ki todesišti elos ei olend-ki , minä iče olen heid tehnu da pannu novellaha ,ned kuti oma sündunuded minun henghe da pähä , tehnus eläbikš i zavodiba kosketadas toižiden novellan olijoidenke , ühtneda heiden eloho , miše süvemba ozutada sidä .
Voib olda , kaik nece tuleb mel’he lugijoile-ki i kosketab heiden südäimiden peitpolid , miččid olem erašti unohtanuded-ki . No tuleb mugoine pordoine , i nece muštlangaine zavodib sirttäs edehepäi i edehepäi , avaittes elon kuvid …
Minun vepsläine oza
Veps
New written Veps