Texts
Return to list | edit | delete | Create a new | history | Statistics | ? Help
Jakovlev Sergei . JOUTOKEI
Jakovlev Sergei
JOUTOKEI
Karelian Proper
New written karelian
Kevät
makuau talven jälkeh ,
Kattau šitä lumitäkki .
Konšanih še kyllä hokšau ,
Jotta on jo aika noušša .
Pakkasella nenä ruškou ,
No ka pitäis meilä uškuo ,
Jotta tovellini lämmin
Tulou meijän luokši tänne .
Päiväni še omua kättä
Juuri tuntisekši näyttäy ,
Heti kačo tippuu vesi ,
Še on ensimmäini viesti .
Lämmin yökši mänöy peittoh –
Elä kuatanččoja heitä ,
Yöllä pakkani on jyrkkä ,
Oven kautti pirttih pyrkiy .
Pitäy Joutokeita vuottua ,
Šiitä kevät voimua ottau .
Lintu šulua vettä juou ,
Meilä hyvyä šiätä tuou .
JOUTOKEI
Karelian Proper
New written karelian