Texts

Return to review | Return to list

Ondrei

history

April 03, 2025 in 15:10 Нина Шибанова

• changed the text
  Ondrei (22.^ kylmykuudu vuvvennu 1987) on liygiläine rap-pajattai, Karjalan tazavallan kanzallizen teatran artistu, Karjalan tazavallan arvostettu artistu (2022)[1]. Ondrein oma nimi on Andrei Viktorovič Gorškov. Eloskerdu Ondrei on roinnuhes Anuksenlinnah liygiläzeh pereheh. Lapsusaijas kuuli karjalua. Opastui Petroskois Kanzallizen teatran stuudies, kudai ruadoi Karjalan kul'tuuruopistos. Sen loppiettuu, vuvvennu 2010, tuli ruadoh Kanzallizeh teatrah, kudamas tässäh ezittyy spektaklilois karjalan, suomen da ven'an kielel. Täh aigah Andrei Gorškov on ezitännyh monii kymmenii rouliloi teatras, sen ližäkse ozuttelii rubei ezittymäh kinosgi. Andrei Gorskov on Karjalan monien pidoloin vedäjänny, karjal-vepsäläzen KV-šoun alguhpanijannu da vedäjänny[4]. Vuvves 2024 kuuluu Karjalan tazavallan Yhteiskunnallizen paluatan viijendeh kerähmöh. Eläy Petroskois. Luomisruado Školavuozinnu mieldyi rap-muuzikkah, pajatti ven'an kielel. Petroskois opastujes rubei jo ezittämäh rap-muuzikkua omal muamankielel — livvikse. Enimien pajoloin sanoi kirjuttau iče. Vuvvennu 2016 sulakuul nägi päivänvalgien pajattajan enzimäine disku. Sen nimi on "Karelication" da sit on kymmene pajuo livvikse. Net ollah Karjalas da karjalazis. Pajattai tahtoi ozuttua, ku karjalan kieli on elävy kieli da sil paistah nuoretgi. "Karelication" on keksitty nimi, diskan loppusanois Ondrei sellittäy sidä. Diskan kanzi on luajittu kallivopiirroksien tabah da on šokoluadan värii. Se on taidoilijan Jegor Kukuškinan nägemys. Nenga tahtottih yhtistiä Karjalan vahnua rikastu perindyö da nygyaigua. Palkindot da arvonimet Vuvvennu 2015 Andrei Gorškov yhtyi kanzoinvälizeh Mister-Etno-kilbah, kudai piettih Uljanovskas da rodih sen voittajakse. Kilvas Ondrei ezitti karjalazii da pajatti omal muamankielel. Vuvvennu 2019 Gorškov rodih voittajakse Karjalan tazavallan nuorien karjalan, vepsän da suomen kielel kirjuttajien ven.^ «Язык - моя Родина» -literatuurukilvan voittajakse nominacies "Paras taidotevos karjalan kielel (livvin murreh)" Petroskoi maguau -runonke. Karjalan tazavallan arvostettu artistu (2022).

April 03, 2025 in 15:09 Нина Шибанова

• created the text
• created the text: Ondrei (22.^ kylmykuudu vuvvennu 1987) on liygiläine rap-pajattai, Karjalan tazavallan kanzallizen teatran artistu, Karjalan tazavallan arvostettu artistu (2022)[1]. Ondrein oma nimi on Andrei Viktorovič Gorškov. Eloskerdu Ondrei on roinnuhes Anuksenlinnah liygiläzeh pereheh. Lapsusaijas kuuli karjalua. Opastui Petroskois Kanzallizen teatran stuudies, kudai ruadoi Karjalan kul'tuuruopistos. Sen loppiettuu, vuvvennu 2010, tuli ruadoh Kanzallizeh teatrah, kudamas tässäh ezittyy spektaklilois karjalan, suomen da ven'an kielel. Täh aigah Andrei Gorškov on ezitännyh monii kymmenii rouliloi teatras, sen ližäkse ozuttelii rubei ezittymäh kinosgi. Andrei Gorskov on Karjalan monien pidoloin vedäjänny, karjal-vepsäläzen KV-šoun alguhpanijannu da vedäjänny[4]. Vuvves 2024 kuuluu Karjalan tazavallan Yhteiskunnallizen paluatan viijendeh kerähmöh. Eläy Petroskois. Luomisruado Školavuozinnu mieldyi rap-muuzikkah, pajatti ven'an kielel. Petroskois opastujes rubei jo ezittämäh rap-muuzikkua omal muamankielel — livvikse. Enimien pajoloin sanoi kirjuttau iče. Vuvvennu 2016 sulakuul nägi päivänvalgien pajattajan enzimäine disku. Sen nimi on "Karelication" da sit on kymmene pajuo livvikse. Net ollah Karjalas da karjalazis. Pajattai tahtoi ozuttua, ku karjalan kieli on elävy kieli da sil paistah nuoretgi. "Karelication" on keksitty nimi, diskan loppusanois Ondrei sellittäy sidä. Diskan kanzi on luajittu kallivopiirroksien tabah da on šokoluadan värii. Se on taidoilijan Jegor Kukuškinan nägemys. Nenga tahtottih yhtistiä Karjalan vahnua rikastu perindyö da nygyaigua. Palkindot da arvonimet Vuvvennu 2015 Andrei Gorškov yhtyi kanzoinvälizeh Mister-Etno-kilbah, kudai piettih Uljanovskas da rodih sen voittajakse. Kilvas Ondrei ezitti karjalazii da pajatti omal muamankielel. Vuvvennu 2019 Gorškov rodih voittajakse Karjalan tazavallan nuorien karjalan, vepsän da suomen kielel kirjuttajien ven.^ «Язык - моя Родина» -literatuurukilvan voittajakse nominacies "Paras taidotevos karjalan kielel (livvin murreh)" Petroskoi maguau -runonke. Karjalan tazavallan arvostettu artistu (2022).