Texts
Return to review | Return to list
Dvorčan muzei
history
May 26, 2025 in 14:05 Нина Шибанова
- created the comments: РУВИКИ: https://ru.ruwiki.ru/wiki/Марциальные_воды_(музей)
May 13, 2025 in 14:21 Нина Шибанова
- created the text translation
April 17, 2025 in 16:19 Нина Шибанова
- created the text
- created the text: Dvorčan muzei (ven.^ Музе́й «Марциа́льные воды») on Karjalan tazavallan Dvorčan kyläs olii histourielline muzei-zapovedniekku, kudaman perusti vuvvennu 1946 rahvahan opastai da kodialovehentiedäi Vasilii Trošin. Sen ozuttelut on omistettu Ven'an enzimäzen Dvorčan tervehyönhoidolan histouriele. Muzei on Karjalan tazavallan kanzallizen muzein ozastonnu. Histourii Muzein histourii on kiini Dvorčan kylän tervehyönhoidolan perustamizes. 22.^ kevätkuudu vuvvennu 1946 Karjal-Suomelazen socialistizen nevvostotazavallan Rahvahien Komissuaroin Nevvosto piätti perustua Petrovskoin piirin Dvorčan kyläh Petrovskoin muzein. 23.^ syvyskuudu vuvvennu 1946 enzimäzen Ven'an tervehyönhoidolan aloveh sanottih rauhoitetukse alovehekse, kudamah rubei kuulumah: Pedri-apostolan kirikkö, Pedrin silmykaivon paviljon, uvven silmykaivon paviljon da Kaivosozaston taloi. Pedrin muzei avattih 25.^ heinykuudu vuvvennu 1948. Enziallus ozuttelus oli kaksi ozua: Karjalan rahvahan ozanotandu Pohjazeh voinah; Imperuattoru Pedri I Dvorčan kyläs. Vuvvennu 1955 muzei-zapovedniekku rubei kuulumah Karjalan avtonoumizen socialistizen nevvostotazavallan Valdivollizeh kodialovehmuzeih. Vuvvennu 1959 Muzeolougien tiedo-tutkimuksellizen instituutan tiedonevvoston kehoitukses muzei muutti ruadoalan da sil rodih Dvorčan muzei-zapovedniekku -nimi. Vuvvennu 1993 muzei varrastettih. Vargahat piästih muzeih levoh luajitun ravon kauti koskemattah viestityssistiemua da varrastettih Pedrin aijan erähii artefaktoi. Niilöi muga ei ni löytty. Varrastandan jälles muzeis rodih vardoičus kogo suutkien aigah. Kallehimat ozutteluvehkehet viettih Kodialovehmuzein varastoh. Nygöi puolet ozutteluvehkehis ei olla alguperäzet dokumentat, vai niilöin koupii. Vuvvennu 2008 ruvettih restauriiruimah silmykaivoloin kaksi paviljonua. Net otettih iäre da viettih Sordavalah restauroičusruadoloih, kus ruadoi laitos, kudai voitti Karjalan tazavallan kul'tuuruministerstvan ilmoitetun kilvan. Ga restauracien maksandas rodih vaigevuksii. Ruadoloih uvvessah ottavuttih vaste vuvvennu 2015 Karjalan tazavallan kul'tuuruministerstvan suaduloin b'udžietan ulgopuolizien varoin avul. Restauroitut paviljonat azetettih kohendettuloile alustoile vuvvennu 2016. Vuvvennu 2019 restauriiruittih Pyhän Pedri-apostolan kirikkö, kudai on Karjalan tazavallas ainavonnu arhitektuuran mustomerkinny, kudai on kiini Pedri I:n toimindas da kudaman arhitektuuru-dekoratiivine syväinpuoli da ikonostuassu on säilytty koskemattiminnu. Kirikön jälgimäine kompleksurestauracii oli vuozinnu 1988—1992. Samannu 2019 vuon ruvettih endizelleh kunnostamah Kaivosozaston taloidu (kaččojan taloi), kus on muzein alalline ozuttelu. Sendäh ku ei suannuh pidiä restauroičusruadoloi silmykaivoloin luo, Taloi restauroičusruadoloin aijakse viettih Voulogdan alovehele, a niilöin jälles vuvven 2020 lopus arhitektuuran mustomerki tuodih järilleh endizeh kohtah. Kogomus Muzei-zapovedniekkah kuulutah: Kaivosozaston taloi (1830) da sit olii ozuttelu; Petrovskoin silmykaivon paviljon (1858); uvven silmykaivon paviljon (1892—1894); Pyhän Pedri-apostolan kirikkö syväinpuolizen čomenduksenke.