Texts
Return to review | Return to list
Kodikelen opendajad vastsihe Šoutjärves
history
April 23, 2025 in 11:39 Нина Шибанова
- changed the text
Vastusele tuliba Šokšun da Kalagen školiden i päivkodiden vepsän kelen opendajad. Ezmäižen ezini Šokšun školan opendai Gleb Fomin. Hän starinoiči “Sanu!^ Luge!^ Kirjuta!^”-projektas, miččen muloi tegi “Vepsän kul’tursebr”. Necen projektan aigan oli tehtud onlain-trenaž’or – se voib tehtas sureks abunikaks openikoile da opendajile vepsän kelen urokoil školiš. Sid’ vastusen ühtnikad starinoičiba ičeze školiš, vajehtihe radmahtištol, diskutiruiba küzundoiš, miččed koskeba vepsän kelen opendamišt Änižröunan vepsläižiš školiš. Diskussijan jäl’ghe kodikelen opendajad kävuiba Šoutjärven školmuzejaha. Muzejan ohjandai Natalja Novikova starinoiči azjtegoiš, miččed mäneba siš. – Meletim, miše om tärged starinoita meiden muzejas päazjan sikš, miše 2025.^ voz’ om omištadud 80-voččele Vägestusele Surel voinal. Äjad meiden školan openikad oma ecindjoukun ühtnikad. Vastusel pätim, miše pigai Kalagen školan openikad tuleba ekskursijale meiden muzejaha, – sanui necen vastusen sädai, Šoutjärven školan opendai Ales’a Anušenkova. Änižröunan vepsläižiden školiden da päivkodiden kodikeliden opendajad vasttasoiš udes semendkus Kalag’-küläs.
April 23, 2025 in 11:38 Нина Шибанова
- created the text
- created the text: Vastusele tuliba Šokšun da Kalagen školiden i päivkodiden vepsän kelen opendajad. Ezmäižen ezini Šokšun školan opendai Gleb Fomin. Hän starinoiči “Sanu! Luge!^ Kirjuta!^”-projektas, miččen muloi tegi “Vepsän kul’tursebr”. Necen projektan aigan oli tehtud onlain-trenaž’or – se voib tehtas sureks abunikaks openikoile da opendajile vepsän kelen urokoil školiš. Sid’ vastusen ühtnikad starinoičiba ičeze školiš, vajehtihe radmahtištol, diskutiruiba küzundoiš, miččed koskeba vepsän kelen opendamišt Änižröunan vepsläižiš školiš. Diskussijan jäl’ghe kodikelen opendajad kävuiba Šoutjärven školmuzejaha. Muzejan ohjandai Natalja Novikova starinoiči azjtegoiš, miččed mäneba siš. – Meletim, miše om tärged starinoita meiden muzejas päazjan sikš, miše 2025. voz’ om omištadud 80-voččele Vägestusele Surel voinal. Äjad meiden školan openikad oma ecindjoukun ühtnikad. Vastusel pätim, miše pigai Kalagen školan openikad tuleba ekskursijale meiden muzejaha, – sanui necen vastusen sädai, Šoutjärven školan opendai Ales’a Anušenkova. Änižröunan vepsläižiden školiden da päivkodiden kodikeliden opendajad vasttasoiš udes semendkus Kalag’-küläs.