Texts
Return to review | Return to list
Evakuacijan doroguoid myö
history
April 23, 2025 in 17:02 Александра Родионова
- created the text
- created the text: Myö elimme Priäžäs, konzu voine zavodiheze. Minun mužikke ruadoi, a minä lapsidenke kodis olin. Kezän lopus myö lähtimme evakuacijah. Muštan, kui minä selginin: kolme räččinäd, kaksi pluat’t’ad panin piäle. Ei hätkeks, duumaičin, meid työttih evakuacijah, kahteks nedäliks puutuimme. Mašinal tulimme lidnah. Lidnaspiäi meid viedih baržal Onegad myöti Vitegrihpiäi. Sid baržal Arhangel’skassuai kaheksatošt päiväd ajoimme. Arhangel’skaspiäi lähtimme Kirovah. Voinan aigal dorogad oldih pahad, odva myö puutuimme, odva hengeh piäzimme. Voinan aigal äi gor’ad nägimme, ka ni sanoda malttada ei sua. Vaitahtoimme omale muale tagaze piästä. Tirpimme, tirpimme, kieras Petrouskuoi osvobodittih. Myö emme tiedä, kunne pidäu mändä ihastuksis! Sid teräväh meid omale muale tagaze työttih. I myö tulimme Priäžäh därilleh.