Texts
Return to review | Return to list
LEIBY
history
May 13, 2025 in 11:42 Нина Шибанова
- created the text
- created the text: “Leiby kaiken mieron syöttäy”, – Nenga enne sanottih. Sentäh päčis lebiä kiistai Joga talois pastettih. Illal taigin varustettih, Tahtas ruttoh sevoitettih, Lujah käzil survottih, Lämmäh kohtah nostettih, Käzipaikal katettih. Taigin koivulaudazis, Puhtahis, valgiezis Nerokkahasti luajittu, Pajuvarval sivottu. Jauho hyvin sieglottu, Vezi kaivos kannettu. Kuni tahtas nouzi, Duuhu pertis kulgi, Lapset rauhah uinotti, Pahat mielet karkotti. Emändäine huondeksil Taiginan piäl čopotti – Joga leivän kämmenil Pyöryžäkse silitti. Leivät räkes pastuttih, Labjal net päčis otettih, Lavvale rinnai lad’d’attih, Pereh syömäh kučuttih. Lapsil kan’n’oi leikattih, Kodivoidu čökättih. Maiduo kuppih valettih – Täs huondesvero syötettih. Sidä unohtannuh emmo, Meidy leiväl kazvatettih, Suuruspalal opastettih, Magieh kokoih harjaitettih – Taiginbuabat olemmo. Suvaiččijat livvin kielen Yhteh nygöi kerävyimmö, Alavoizen taigin -nimen Kummallizen panimmo. Ozutelmii varustammo, Kuda-midä kirjutammo, Pagizemah kerävymmö, Muamankieldy kannatammo.