Texts
Return to list | edit | delete | Create a new | history | Statistics | ? Help
Natalja Sinitskaja. Omas kois
Natalja Sinitskaja
Omas kois
Livvi
New written Livvic
In’a magai
pugris .A-voi , mi hyvä on muata kezäl pugris : čakat ei n’okita , gu ei piästä pugrin sydämeh , vienoine tuulut tuulou läbi hienos katties .
In’a nostaldi pugrin kattien – päiväine oli jo korgiel .Muaman iäni kuului pihalpäi .In’a räččinäizilleh lähti pihale .Muamo käzipaikku käis astui järvehpäi silmii pezemäh .
– Jogoi nouzit ? Kuibo magait , kuldaine ?Midä unis näit ?
In’a kačahtih taivahah da sanoi : "En musta ".
– Nu olgah , läkkä vai pezevymäh . Terväh buabo kuččuu stolah huondesveruo syömäh , sanoi muamo .
Telalpäi In’a nägi L’usa-t’outan .Häi syötti kanoi – ripoitti siemenii muale .Kaikkielpäi gu piälatoit rouno juostih kanat , net kakatettih , iškiettih siibilöi , da opittih ennittiä toine tostu . Kanat kiirehtäjen n’okittih siemenii .
In’a viippai käil L’usa-toutale da kirgai :
– Terveh , L’usa-t’outa .
– Terveh , In’aine . Midäbo egläi et käynyh minulluo .
– Ga en kerrinnyh – ruaduo oli , vastai In’a .
– Nu olgah , tule hos tänäpäi käymäh . Minun kaži sai kolme poigastu .Tule niidy kaččomah .
– Tulen , tulen .
Omas kois
Livvi
New written Livvic
–
Sinitskaya, Natal'ya
Дома
Russian
-