Texts
Return to review | Return to list
Uni
history
May 14, 2025 in 19:47 Александра Родионова
- created the text
- created the text: Myöhä illal muamo rubei kerävymäh bol’niččah. Jo lähtijes häi kyzyi In’al: – Kedäbo enämbäl tahtot, sizärdy vai vellie? In’a ei maltanuh nimidä vastata. Muamo muhahtih da n’oppai In’an: – Älä igävöičei, nedälin peräs minä tulen kodih. In’a jäi seizomah kynnyksele. Tuatto da muamo nostih mašinah da lähtiettih ajamah. Buabo otti In’an käis da vietti magavosijah. – Magua suremata, kuldaine! In’a vie hätken punoihes da ei suannuh undu, häi aiven duumaičči: – Ollougo sie bol’ničas, gu laukas rouno: sie vikse suau vallita lapsi – birhačču libo neičykky. Mikse lienne en sanonuh muamal, anna tuos keral valgeitukku neičykkäine ruskien bantaizenke. Unis In’a nägi bol’ničan. Sie riädyizeh viruttih pikoi pienet kabaloitut lapsukkaizet. Niidy oli menetiijämi da kaiken luaduu: kidžertukku, valgeipiädy da muzavii, pal’l’ahiigi piämal’l’uškoi. Vrača valgielois haluatois ozutti muamale lapsii da taričči yhty, tostu, erästy...
- created the text translation