Texts
Return to list | edit | delete | Create a new | history | Statistics | ? Help
Natalja Sinitskaja. Igävy
Natalja Sinitskaja
Igävy
Livvi
New written Livvic
Viijen
päivän peräs In’a vuotti muamuadah kodih .Häi moneh kerdah eisteli bokkah ikkunzuavessii , nenän n’okan liččai ihan ikkunst’oklah , hengitti sih da moneh kerdah piirdi sormuizel kirjaindu "m ".In’a duumaičči muamua .Neičykky kiirotti silmii , kaččeli čuassuloi .Mene tiijä min kerdua häi kyzyi buabal da died’oil , tervähgo tullah muamo , tuatto da pieni brihaččuine .
– Älä sano lapsukkastu brihaččuzekse , rouno gu se on vieras sinulles . Sehäi on sinun velli , n’evvoi buabo .
In’a nikui ei voinuh ottua pon’ah , gu hänes nygöi rodih vahnembi sizär .In’al rodih velli .
In’a istui pordahil , konzu pihah ajoi mašin .Siepäi lähtiettih tuatto da muamo .Yskäs hänel oli kabalo .
– Tule tänne In’aine . Kačos vellie , sanoi muamo .
Kabalos oli pikoi pieni ruskei lapsuine .Silmät hänel oldih ummes – vikse magai .In’a tahtoi opitella sidä sormel , ga muamo eisti In’an käin .
– Älä koske . Ezmäi pidäy pestä käit hyvin , äski sit ...
Pihah tuldih buabo da died’o .Kaikin kačottih lapsukkastu da muheloittih hyviä mieldy .
– Olgah , läkkiä pertih , sanoi buabo .
Pertih tulduu lapsi pandih magavosijale .Muamo keričči sinizen bantan da otti lapsen od’d’ualaspäi .Se rubei nyčkämäh ezmäi hil’l’azeh , sit raviembah .
– Kačos , miehen iäni , nagrahtih buabo . – Tämä lapsi nälgäh ei jiä . Olgah syötä poigu .
Buabo otti In’an käis , miehiigi käski iäres .
Igävy
Livvi
New written Livvic