Texts
Return to list | edit | delete | Create a new | history | Statistics | ? Help
Natalja Sinitskaja. Toine ilmu
Natalja Sinitskaja
Toine ilmu
Livvi
New written Livvic
Kerran
In’a da buabo tuldih tiijustamah Palagua , ga häi ei olluh voindalleh , virui magavosijas .
– Vikse unohti minuu Jumal tänne . Jo ammui kaikkii minunigähizii otti toizele ilmale .Minuu vai tänne jätti muokkavumahes , luvetteli Palagu .
Kaiken dorogan kodissah In’a ei andanuh rauhuttu buaballeh :
– Kusbo se on toine ilmu .Ongo sie hyvä ,parembigo , migu tiä .Mindäh Palagu-buabo sinne tahtou .Kenbo händy sie vuottau ,keskustamattah tanatteli In’a .
– Oh , sinä mieletöi , sanoi buabo da silitti In’an valgieloi tukkii . – Toizele ilmale Jumal ottau niilöi , ken kuoli . Palagu on jo ylen vahnu da voimatoi .Ei ole kel händy kaččuo da huolehtie , ku häi on yksinäine .Palagu-buabo väzyi , ei tahto eliä ...
Unis In’a nägi , ku Palagu puutui taki toizele ilmale .Sie oli vägi joukko rahvastu .Heijän keskes oldih hänen ukkoh da poijat .Brihačut oldih vägi suuret , Palagaine da hänen ukkoh oldih nuoret da čomis sovis .Hyö liedžuttih liedžuloi da nagrettih , lapset elostettih nurmikol .
Havačuttuu In’a ei maltanuh sellittiä ičelleh , kui häi tunnusti nuores naizes Palagan .Unis inehmizel ei olluh ruppiloi rožis , tukatgi oldih muzavat , ei gu Palagu-buabal – harmuat .
Huondeksel kyläs tuodih viesti – Palagu kuoli sinä yön .
Toine ilmu
Livvi
New written Livvic
–
Sinitskaya, Natal'ya
Иной мир
Russian
-