Texts
Return to list | edit | delete | Create a new | history | Statistics | ? Help
Natalja Sinitskaja. Paha uni
Natalja Sinitskaja
Paha uni
Livvi
New written Livvic
Kodih
buabo da In’a tuldih jo myöhä illal .In’al toinah oli paginua .Häi saneli muamale da tuatale , kus oli da kui oli .Muate viertes In’a šupetti mamale ihan korvanjuureh , ku buabo itki , konzu oman koin sijale tuli .
Unis In’a nägi , kui suures venehes toizien joukos häi lähtöy pitkäh matkah .Omat seizotah rannas da viiputetah käzii .In’agi viiputtau kätty da on hyväs miles , ku nägöu loittozii mualoi , suuri linnoi .Ga kerras In’ale rodih muga igävy muamua , ga häi kai itkemäh rubei .
Muamo nouzi da tuli In’an tyveh .
– Midäbo itket , kuldaine ? Vai midä pahua unis näit ?
– Näin , rounogu pitkäh matkah lähtin . Da sinuu igävy-y-y rodih , ulizi In’a .
– Älä itke , rauhastu jo , eiga Pal’an nostatat . Magua vai suremata , kois olet , sanoi muamo .
– Älä lähte , istu minun rinnal , kuni en uinuo , käski In’a .
– Olgah , olgah , magua vai , sanoi mama . In'a vie kodvazen virui silmät avvoi .Sit lujah ummisti silmät da oppi kuvitella , mittuzet net ollah — loittozet muat ."Kazvahuu yksikai lähten sinne . Vaigu muaman kerale otan .Dai Pal'an , eiga hänelgi igävy muamua rodieu ."
Paha uni
Livvi
New written Livvic