Texts
Return to list | edit | delete | Create a new | history | Statistics | ? Help
Valentina Libertsova. OMA MUA -LEHTELE
Valentina Libertsova
OMA MUA -LEHTELE
Livvi
New written Livvic
Myöstin
roindupäivy ehtii ,
Tuloksii vai ozuta !
Meijän armas Oma Mua -lehti ,
Tiluajii et unohta .
Olet karjalazil oma ,
Elaijanke sivottu ,
Joga sivu agu čoma ,
Mieldy myöte täytetty .
Loitos ilmah viestit työnnät ,
Hiät da jygiet aijat kestät ,
Hyviä mieldy kylläl annat ,
Muamankieldy kannatat .
Joga ruavos avvuttai ,
Uuttu polvie kazvattai ,
Paginkanzoin opastai ,
Perindölöin azettai .
Kelle omat mielet sanuo ?
Kenen olgupiäle kuaduo ,
Vahnat sanat mustoittua ,
Uuzii taboi tiijustua ?
Lehti kaikis pädevin ,
Kolmekymmen viizi vuottu –
Kypsän ristikanzan igä ,
Vägitukku kaikkie ruattu ,
Iellehgi on midä suaha !
Pitkiä igiä , ozua , lykkyy ,
Lahjua , kukkua – suuri tukku !
OMA MUA -LEHTELE
Livvi
New written Livvic