Texts
Return to review | Return to list
Tihi-pin'oi-čakku
history
May 19, 2025 in 11:41 Нина Шибанова
- created the text
- created the text: Pikoi-pieni, ainos lähäl, Hoikku pitky n’okku, Ehti et nimidä nähtä, Se jo sinuu n’okkuau. N’okkua andau jogahizel, Hyvin vastah ottau, Vierastu dai omahistu Ilomielin ukkuau. Vuottau čakku, konzu kentah Iče tulou rinnal, Hyväs mieles vastah lendäy, Istaldahes pinnal. A gu hätken ethäi tule, Eule kedä ukata, Pin’oin pitkän pajon kuulet, Ollou jalgu sukata. Eihäi čakku ole viäry, Ei nikedä kuččunuh, Pal’l’as ollou käzi, siärys, Terväzeh sen mustoittau. Soittau omua jouhikkostu, Lendäy päivypastozeh, Vongahuttau yhty, tostu, Miellyttäyhäi pajoine? Kuni pajuo kuundeletto Hil’l’astu da igäviä, N’okkuau, hosgi suuttunetto, Hoikkastu dai lihavua. Muijal se ei malta eliä, Karjalas on paras, Meččysuon muanperäs, Lämmäzes da märräs. Tihi – kaikkiel kandueläi, Älä sidä čakkua, Joga kohtas oma meijän – Tihi, pin’oi, čakku.