Texts

Kerran yömbäristös oli 26 čuassuu

May 22, 2025 in 14:39 Александра Родионова

created the text
created the text: Se rodieu kerdomus, kui myö Mašan da Šum-koiran kel hiihtimmö puolensadua kilometrii Karjalan korbimečäs, ellendimmö ku Luojalgi on juumoran tajuu, vastaimmo taivahan viestien tuojan da kuundelimmo talvimečän iänettömytty. Maša on ylen nerokas keksimäh kaikenmoizii ”zapl´ottoi”, kuččuu niilöih yhtymäh dai ičegi on rakas lähtemäh moizih matkoih. Naizien pruazniekkua vaste da Suuren pyhän iel meil oli kaikis tärgevin tämän vuvven matku. Kävvä suksil kuulužale tiedovoitule Vottovuarale, kudai on Karjalan Mujehjärven piiris – tämä hörö tuli piäh jo ammui. Ga myö hätken duumaičimmo, ottuago kerale palatku vai jovvammo ilmai sidä. Kačoimmo siänennustuksen kevätkuun 7.-8.^ päivikse da piätimmö, ku mečäs pakkazel yödy olemah emmo rubie. Kuvven čuasun aigua huondeksel myö lähtimmö Petroskoispäi, kudai hil´l´akkazin magai pruazniekkupäivii vaste. Vottovuarale voibi piästä Himol´an kauti; Himol´an kyläh voibi tulla mašinal Hirvakses libo Porajärvespäi. Paistes da kaunistu talvimatkua huaveilles myö kilometri kilometrin peräh lähestyimmö lähtökohtua. Midä lähembä oli Himol´a, sidä pahembi oli tie – jyrkät tienpunalmukset da mäit. Petroskoispäi Himol´an kylässäh piäzimmö viijes čuasus.
created the text translation