Texts
Return to list | edit | delete | Create a new | history | Statistics | ? Help
Sem’onov P’otr . Koiran vainu
Sem’onov P’otr
Koiran vainu
Livvi
New written Livvic
Kupsal Jeremei Babkinal varrastettih
jenuattuturki .Ylen äijäl suutui kupsu Jeremei Babkin .Hänel näitgō žiäli oli turkii .
-Rahvas , sanoi häi , — turkihäi oli ylen hyvä .Žiäli on turkii .D'engoi en žiälöiče vargahan lövvän da syllen hänele silmih !
Jeremei Babkin piätti palkata vainukoiran .Tuli sih yksi ristikanzu kepkois da kotis , a hänen kel oli koiru .Moine , sanuo , muzavankarvaine ubeh , ilve terävy , iče tuhmu .Se agentumies sydäi koiran nenän ukselluo jälgih da sanoi : "Uis ", a iče tageni .Koiru n'uusti ilmua , kačoi rahvasjoukkohpäi (avvoisuudu tiettäväine kerävyi sih äiju ) da meni kerras viijendes fatieras eläjäh F'oklu-baboihpäi .Läheni da rubei n'uustamah baboin helmua .Baboi peityi rahvahan tuakse ,a koiru rippuu hänen helmas .Baboi čurah dai koiru hänen peräs .Tabai baboin helmas , ei piästä .
Baboi sih i sordui polvilleh agentumiehen edeh :
-Kačo , sanoi ,-puutuin .En ni kieldävy .Otin viizi rengii razmoidu .Se on tottu .Dai viinuapparuatan-segi on muga .Kai net ollah , sanou , nehes .Vietäkkiä minuu militsieh ...
Rahvas mugai höpsöttih :
-A kusbo on turki ?kyzytäh .
---Turkih näh , sanoi baboi , -en tiijä nimidä , vouse nimidä , muu kai on tozi . Vietäkkiä minuu rospinoittavakse !
Baboi vietettih iäres .
Agentumies myös otti oman koiru-ubehen kagluvyös , myös sydäi sen nenän jälgih , sanoi "uis " da iče tageni .Koiru pyöritteli silmii , n'uusti tyhjiä ilmua da sit punaldih koin piäliköllyö .Piälikkö harmani rožas , mäčkähtih sellälleh :
-Sidokkua minuu , hyvät tunnollizet rahvas !Minä , kirguu , keräin teis d'engat , a ice piin net omih himoloih .
Tiettäväine , eläjät tartuttih piälikköh da ruvettih sidomah .A koiru meni silai - gua seiččemendes pertis eläjän miehen luo da rubei riuhtomah händy štanilois .Mies valgeni , sordui rahvahale edeh da tunnusti ruttoh :
Viäry olen ... Viäry olen ... Se on tozi .Minä tottu sanuo ruadokniigazes muutin iččeni roinduvuvven .Minul ubehel , sanou ,- pidäs olla armies omua muadu puolistamas ,sen sijah elän fatieras noomeru seiččie , poltan tuldu da pien muidu hyvyzii .Pietäkkiä minuu !
Rahvas häbevyttih :
-Mibo tämä kumman koiru on ?!
Nygöi jo kupsu Jeremei Babkin rubei lipittämäh silmii , kačahtih ymbări , kaivoi d'engat , oijendi net agentumiehele da sanoi :
Vietä vai oma koiru rašku loitombakse !Meččy viegäh sen jenuattuturkin !Gu on mennyh ga anna menöy !
A koiru jo sit seizou .Kopsahtih kupsan edeh da händiä puneloittau .Höpsevyi kupsu Jeremei Babkin , eistäldih čurah , ga koirubo hänel peräs .Läheni da n'uustelou miehen kološšoi .
Kupsu sih valgeni , rubei höpöttämäh :
-Jumal , kačo , toven nägöy ...Minägi , koiran poigu , olen kielas ...Eihäi turki , hyvät vellet , olluh minun ...Senhäi minä muanitin omal vellelpäi ...Kačokkua , itken volvotan !
Tämän jälles rahvas lähtiettih juostol ken kunne .A koiral ei ole aigua ni ilmua n'uustua .Se tabai vie kaksi kolme hengie da pietäldi .
Hyögi tunnustettih omat riähkät .Yksi menetti kartih valdukunnan d'engat , toine tapoi oman akan ut'ugal , a kolmas mostu sanoi ga huigei kai on sanella .Rahvasjoukko hajoili .Piha tyhjeni .Jiädih vai koiru da agentumies .Vuottamattah koiru meni agentumiehen luo da rubei punomah händiä .Valgeni agentumies , sordui koiran edeh da rubei pokoroiččemahes :
Purettele minuu , hyvä dovariššu , sanou .Minä suan sinun koiran syömi - zih kolminkymmenin rublin , a niilöis kaksikymmendy otan ičelleni ...Midä sie oli iellehen tiijä .Minä pagenin teriämbi riähkis .
Koiran vainu
Livvi
New written Livvic