Texts
Return to list
| edit | delete | Create a new
| Statistics
| ? Help
Jakovlev Sergei.
KEŠÄLAULU
genre: Lyric work
Source:
Oma mua. № 23, 2025, p. 8
Jakovlev Sergei
KEŠÄLAULU
Karelian Proper
New written karelian
Vejen pinnašša aurinko tanššiu,
Kalat leikitäh – käsillä šuat.
Järven peilissä šinini taivaš
Oikein kaunis ta mukava šiä!
Läksi rannašta tervattu veneh,
Uallot levitäh loittoseh päin.
Aika hommata on vaššan lehtie
Lehti-Iivanan päiväštä vain.
Kuuluu kyläštä helieni iäni,
Laulau takoma viikateh näin.
Niittovehkehet kuntoh pannah,
Petrunpäiväštä – heinäh päin!
Marjat kypšytäh, vesi lämpiey,
Luonto läiskyttäy vihriellä,
Heräi mečäššä vanha kämppä,
Onpa kaunis miun Karjala!
