Texts
Return to review | Return to list
Mitäkä oletta keräytyn
history
June 20, 2025 in 15:35 Нина Шибанова
- created the text
- created the text: Mitäkä oletta keräytyn, kietu kierävarret, kera kielikirjan kielyllä Kiestinkin kylän keryälömäh kiurujen kirpuovaisien kelkettelyšanoja? Kiurujen kelkettelyšanat kirjutteletta onnakko paikkoih kirkkahampih? Mitä oletta painun paikalla pravlen'n'an kylän ottamah buapojen pajattelušanoja paikkoih parempih? Myö vain smietimmä, jotta lamettih lanketan laklojen lakkipäijen laulušanat, ašnoka še vielä kohotetah koppaloijen kuolovaisien golossušanoja, kun piällä kokkalehen pannah. Niin večči paikkoih godnoimpih kuletetah, kun myö lakloset laulelemma, lankieva ijät lahjomarjoja, niin večči ei ole langettu laklojen lakkipäijen laulelušanat, kun pannah lapun piällä paikkoih ladnoimpih. Katiksenneltih kašvovarret kera graamottakirjan luokše kanojen kato ikien. Anna kanat kajattelemma šanua kakši-kolme kašvovaršie (-lla?) kun katittu on kera graamottakirjan kanojen kattopäijen (naisten) kajattelušanoja klanimah piällä graamottakirjan. Anna vikliset viršielemmä, kun on vierty vierolla vidnon kylän virpivarret (solakat) kaččomah viklojen vieröväikien viršielyšanoja. Šoluttih šuorie varret šuululla šuorien kylän ottamah šotkasien šortuvaikien šoittoiänie piällä šulkakirjan. Šolutetahko paikkoih šomempih šotkien šortuvaikien šoittoiänet? Katittih kašvovarret kairalla kaunehen kylän, kun kanaset kajatellah kašvovaršilla, niin pannan kajattelušanat piällä graamottakirjan.
- created the text translation