Texts

Mintäh viluloilta viimual'l'ou jo

June 20, 2025 in 16:42 Нина Шибанова

created the text
created the text: Mintäh viluloilta viimual'l'ou jo viisientoista virštojen piähysih, kun vierona vartuvoni ja viekkahan hyväseni luokši visan kualelen? Jopa kajon šuurilta kaipualen kallista hyväistäni, kun ei ole vaštual'omašša. Vet valkie hyväseni vaštuali, kun vallan kualelin mie, vain armahiksi ativovierahaisiksi aššukšentelin. Ka kaikki on kamaijen piällä kall'amajiähyset kajon yletty. Onnakko on kallis hyväseni kaunehilta ilmoilta kajon puuvukšennellun? Ta onnakko jo [on] valkie hyväseni valkeih šyntylöih varoin varuššeltu ta vallan luajiteltu? Mintäh oletta jo valkien hyväseni kakšijen lauččojen katkaukšilla kajon luajitellun? Onnakko kaunehih šyntylöih varoin kajon luajitteletta? Ka etkö voi, kallis hyväseni, kajon yletä hot kajon viimesiksi čuassuloiksi, kaiho vartuvoni kun kualelin tiän kaunehuisie kačahtelomah. Ka kajon äijiksi kaihosikseni kajon luajitteliutuu... (No šiinä, nyt se loppt jo.)
created the text translation