Texts
Return to list | edit | delete | Create a new | history | Statistics | ? Help
Ezmäine abu satatuksis, suvastukses, korgielois temperatuurois, hiimiellizis ainehis suadulois voimattomuksis; myrkyllizien elättilöin puremizen da n’okkuamizen jälles
Ezmäine abu satatuksis, suvastukses, korgielois temperatuurois, hiimiellizis ainehis suadulois voimattomuksis; myrkyllizien elättilöin puremizen da n’okkuamizen jälles
Livvi
New written Livvic
6.1. Ezmäine
abu satatuksis
6.1.1. Ezmäine abu piän satatuksis
Azetakkua verenvuodo painamal kohti leikkavukseh da painajan sidien panemal .Kuččukkua (iče libo rinnal olijoin avul ) kiirehellizen avun briguadu .Tarkastakkua , ku kärzinyh on hajus da hengittäy .
Gu ei ole elaijan merkii , luadikkua syväin-keuhkoloin reanimatsii .Kuččukkua (iče libo rinnal olijoin avul ) kiirehellizen avun briguadu .
Luadikkua syväin-keuhkoloin reanimatsii sinnessäh , kuni kärzinyh ei rubie hengittämäh iče libo kuni ei tule kiirehellizen avun briguadu .
Jälles hengityksien uvvistandua (libo gu hengittämine oli säilynyh ) virutakkua kärzinyh bokalleh .Tarkastakkua hengitysty kiirehellizen avun briguadan tulendassah .
6.1.2. Ezmäine abu silmän da luomen satatuksis
Silmien da luomien satatuksis pangua sive mollembile silmile (ku ei salvata sidien vuoh mollembii silmii , tervehen silmän liikutukset ruvetah lekuttamah da luadimah kibiedy da ližävahinguo satatetule silmäle ).
Kuččukkua kiirehellizen avun briguadu .
Lekkuo kärzinyöl pidäy vaigu rinnal astujan käin vuoh da avul .
6.1.3. Ezmäine abu nenän verenvuvvos
Nenän verenvuvvon aigah istutakkua kärzinyh , vähäzel painakkua hänen piä edeh päi .Painakkua nenän siivet 15-20 minuuttua .Kärzinyöl sil aigua pidäy hengittiä suun vuoh !
Pangua nenäle viluu (märgy paikku , lundu , jiädy ).
Käskekkiä kärzinyöle sylgie verdy (gu veri piäzöy vaččah , voibi roita oksendus ).
Gu verenvuodo ei azetu 15-20 minuutan menendyy , kuču kiirehellizen avun briguadu .
6.1.4. Ezmäine abu kaglan satatuksis
Verenvuvvos luadikkua oigei painandu leikkavukseh da pangua painai sive .
Konzu on varavuo selgypiin satatukseh (dorogal suadu travmu , korgielpäi sordumine , čukeldus ), gu pidänöy kärzinyön siirdamine , kiinitäkkiä hänen piä da kaglu käzien da kynäbrysvarziloin vuoh .Kärzinyön kiirehel piästämizes pidäkkiä hänen kaglua käil .
Kuččukkua (iče libo rinnal olijoin avul ) kiirehellizen avun briguadu .
6.1.5. Ezmäine abu ryndähän satatuksis
Ozutukset : verenvuodo ryndähän leikkavukses , kudamas voibi olla puzurii da ilman imendiä leikkavuksen kauti .
Gu leikkavukses ei ole vierahii ezinehii , painakkua kämmen leikkavustu vaste da salvakkua sinne ilman piäzendy .Gu leikkavus on läbinäine , salvakkua tulo - da lähtöloukot .
Salvakkua leikkavus materjualal , kudai ei laske ilmua (pidäy kiinittiä tämä materjualu sidiel libo pluastaril ).
Istutakkua kärzinyh nojaten da kaldakkua satatettuh puoleh .
Gu leikkavukses on vieras ezineh – kiinitäkkiä se bintan palazil , pluastaril libo sidiel .
Ottua vierahat ezinehet leikkavukses tapahtuman paikal ei sua !
Kuččukkua (iče libo rinnal olijoin avul ) kiirehellizen avun briguadu .
6.1.6. Ezmäine abu vačan satatuksis .
Gu ollou verenvuodo - luadikkua oigei painandu leikkavukseh , pangua painai sive .
Ei sua tungie leikkavukseh siepäi pakkujii syväinorganoi , siduo niidy kiingiesti , ottua leikkavuksespäi vierahii ezinehii .
Gu vačču sattavui da siepäi pakutah syväinorganat —syväinorganois ymbäri pangua marl'as luajittuloi kiärehii (suojelkua pakkujii syväinorganoi ).
Kiärehen piäle pangua sive libo vies kastettu puhtas kangaspala .Pakkujii syväinorganoi painamata kriepikkiä sive vaččah .
Gu vačas on umbisatatus (vačas ei nävy leikkavuksii ) - pangua vilu vačan piäle , virutakkua kärzinyh sellälleh da pangua mitahto polvien alle , jallat pidäy panna yhteh da koukistua .
Suojelkua kärzinytty vilus .Pangua piäle lämmät od’d’ualat da sovat .Kuččukkua (iče libo rinnal olijoin avul ) kiirehellizen avun briguadu .
Vačan satatuksis ei sua juvva da syvvä !
Ku kärzinytty juotattau - kastakkua hänele huulet .
6.1.7. Ezmäine abu jalloin /käzien satatuksis .
Tarkistakkua , gu teile ei pie nimidä varata .Käyttäkkiä sormikkahii suojuamizekse biolougiellizis nestehis .Gu pidänöy siirdäkkiä kärzinyh .
Kuččukkua (iče libo rinnal olijoin avul ) kiirehellizen avun briguadu .Azetakkua ulgopuoline verenvuodo .
Gu kärzinytty siirretäh /vietäh ičeväil — turvakkua luuloin murenduskohtien liikkumattomuttu kiinityslaudazien libo käin al olijoin vehkehien vuoh , pangua net sovan piäle .
Immobilizatsii luajitah kahten ylembä da alemba katkelmustu olijan nivelen liikumattomakse luadimal .
Immobilizatsiedu luadijes voibi käyttiä kiinityslaudazii libo kaidoi ezinehii : keppii , laudastu , vivatindu , viččua , fanierupalastu , kartonua da muudu .Kiinityslaudazien terävät reunat pidäy silittiä , kiärie bintal .Kiinityslaudazen panduu se pidäy kiinittiä bintal libo pluastaril .Ku ollou katkelmus , kiinityslaudaine pannah sobien da jallaččiloin piäle .
Ku ollou avvonastu katkelmustu ei sua panna kiinityslaudazii niilöih kohtih , kudamis nävytäh luuloin palat .
Kiinityslaudaine kaikel pitkevyöl (paiči katkelmustu ) pidäy hyvin kiinittiä bintal , ga ei pie ahtistua , gu verenkierdo menis hyvin .Gu katkelmus on alapuoles , kiinityslaudaine pidäy panna kahtes puoles .
Konzu ei ole kiinityslaudastu libo pättävii ezinehii , satatettu jalgu voibi immobilizuija sidomal se terveheh jalgah , satatettu käzi pidäy siduo rungah .
Suojelkua kärzinytty vilus , andakkua lämmiä magiedu juomistu .
6.2. Ezmäine abu myrkytykses .
6.2.1. Ezmäine abu myrkytykses sun kauti .
Kučukkua (iče libo rinnalolijoin avul ) kiirehellizen avun briguadu .
Tiijustakkua tapahtuman olot (gu myrkytys on lekarstvoin periä , ozuttakkua tablietkoin vakkazen meedikkuruadajale ).
Gu kärzinyh on hajus , sanokkua hänele juvva 5-6 stokanua vetty da oksendua painamal kieldy kahtel sormel .Oksenduksen jälles luadie mahan pezemine uvvessah .
Mahan pestes vien miäry on 2,5-5 litrua .
Mahan pezemine pidäy jatkua "puhtahih pezovezilöih " suate .
MAHUA EI SUA PESTÄ , GU RISTIKANZU ON TAINEHTUKSIS !
Gu ristikanzu ei ole hajus , tarkistakku , hengittäygo häi da kierdäygo hänes veri .
Gu ei ole elaijan merkii , luadikkua syväin-keuhkoloin reanimatsii .
Luadikkua syväin-keuhkoloin reanimatsii sinnessäh , kuni ristikanzu ei rubie hengittämäh iče libo kuni ei tulluh kiirehellizen avun briguadu .
Jälles hengityksen uvvistandua (libo ku ristikanzu hengitti ) virutakkua kärzinyh bokalleh .Tarkastakkua hengitysty kiirehellizen avun briguadan tulendassah .
Pangua kärzinyön piäle lämmät od’d’ualat da sovat .
6.2.2. Ezmäine abu myrkykses , konzu myrkyllizet ainehet piästih hengityselimien kauti .
Tarkistakkua , gu ni teile , ni kärzinyöle ei ole nimidä varattavua , vedäkkiä libo astutakkua kärzinyh turvallizeh kohtah libo avakkua ikkunat , tuulettakkua perti .
Čihvan myrkytyksen tunnusmerkit ollah : silmien čahlondu , korvuhelineh , piän kibu , oksendus , tainehtus , nahkan ruskevus .
Kodiguazan myrkytyksen tunnusmerkit ollah : "jygei " piä , piänpyörindy , humineh korvis , oksendus , lihaksen heikkovus , syväinkerän tykkiändän rutostumine , unehpainandu , tainehtus , tahtomatoi kuzendu , nahkan kalbevus (sinistys ) , heikko hengitys , suonenvedo .
Gu ei ole elaijan merkii , luadikkua syväin-keuhkoloin reanimatsii .Kuččukkua (iče libo rinnal olijoin avul ) kiirehellizen avun briguadu .
Luadikkua syväin-keuhkoloin reanimatsii sinnessäh , kuni ristikanzu ei rubie hengittämäh iče libo kuni ei tulluh kiirehellizen avun briguadu .
Hengityksen uvvistandan jälles virutakkua kärzinyh bokalleh .Tarkastakkua hengitysty kiirehellizen avun briguadan tulendassah .
6.2.3. Ezmäine abu silmän satatuksis .
Silmien hiimiellizen poltamizes libo vierahien ezinehien silmih puuttumizes varovozeh avakkua luomet sormil , hyvin peskiä silmät puhtahal viel (olis hyvä gu vezin olis pertin temperatuurua ).Silmät pidäy pestä muga , gu vezi meni nenän puoles korvujuureh .
Pangua sive mollembile silmile (ku ei salvata sidien vuoh mollembii silmii , tervehen silmän liikutukset ruvetah lekuttamah da luadimah kibiedy da ližävahinguo satatetule silmäle ).
Kuččukkua (iče libo rinnal olijoin avul ) kiirehellizen avun briguadu .
Lekkuo kärzinyöl pidäy vaigu rinnal astujan käin da avun vuoh !
6.3. Ezmäine abu lämböpoltateksis .
Tarkastakkua , ku teile ei ole varavuo .Azetakkua kärzinyh , virutakkua muale .
Sammutakkua miltahto keinol palajat sovat (ezimerkikse , kattakkua ristikanzu palamattomal kangahal ).
Vilustakkua poltettuloi kohtii viel 20 minuuttua .
Älgiä luadikkua loukkoloi puzuriloih , älgiä ottakkua satateksis vierahii ezinehii da tartettuloi sobii !Pangua poltateksen piäle steril'noi sive da vilu sidien piäle .Andakkua äijän juomistu .
Kuččukkua (iče libo rinnal olijoin avul ) kiirehellizen avun briguadu .
6.4. Ezmäine abu lämmön (päiväzen ) iškus .
Konzu nägyy lämmön (päiväzen ) iškun tunnusmerkilöi (korgei temperatuuru , märgy valgei nahku , piänkibu , oksendus , piänpyörindy , heikkovus , tainehtus , suonenvedo , syväinkerän tykkiändän da hengityksen rutostus ) siirdäkkiä kärzinyh viluh tuuletettavah kohtah (pilvežäh , avatun ikkunan luo ).
Gu ei ole elaijan merkii , luadikkua syväin-keuhkoloin reanimatsii .Kuččukkua (iče libo rinnal olijoin avul ) kiirehellizen avun briguadu .
Luadikkua syväin-keuhkoloin reanimatsii sinnessäh , kuni ristikanzu ei rubie hengittämäh iče libo kuni ei tulluh kiirehellizen avun briguadu .
Hengityksen uvvistandan jälles (libo ku kärzinyh hengitti ) virutakkua kärzinyh bokalleh .Tarkastakkua hengitysty kiirehellizen avun briguadan tulendassah .
Pangua piäh da kaglale vilus vies kastetut käzipaikat (salfietkat ).
Suonenvedolois pidäkkiä (ga älgiä painakkua ) piädy da rungua , gu ei olis satatustu .
Konzu kärzinyh toibuu andakkua hänele viluu vetty .
6.5. Ezmäine abu kylmiändäs .
Siirdäkkiä kärzinyh lämmembäh pertih .
Kattakkua kylmätyt käit , jallat da rungan ozat lämmäl materjualal (vuattu , od’d’ualat , sovat ).Lämmäl pidäy tulla "sydämespäi ", ku samal aigua kohenis verenkierdo .
Kibielöi kohtii ei sua kerras lämmittiä (ezimerkikse , panna hiilavah vedeh ), hieruo , voijella mil tahto !
Pangua kärzinyh od’d’ualah , ku pidänöy vaihtakkua sovat , pangua kuivat sovat .
Andakkua äijän lämmiä magiedu juomistu .
Syöttäkkiä hiilaval syömizel .
Alkogolin käyttämine on kielletty !
Kuččukkua (iče libo rinnal olijoin avul ) kiirehellizen avun briguadu .
6.6. Ezmäine abu gipotermijas .
Vedäkkiä kärzinyh lämmäh pertih libo lämmitäkkiä kärzinyh (kattakkua lämmäl od’d’ualal , pellastuskettiel , sovil ).
Kučukkua (iče libo rinnal olijoin avul ) kiirehellizen avun briguadu .
Gu kärzinyh on hajus , andakkua hänele äijän lämmiä magiedu juomistu .Syöttäkkiä hiilaval syömizel .
Alkogolin käyttämine on kielletty !
6.7. Ezmäine abu sähkösatatuksis .
Kuččukkua ekstrennoit palvelut 112 - noumeral .
Tarkistakkua oma turvalližus .Älgiä kosketakkua kärzynytty kerras , sendäh gu häi voibi olla elektrovirran vaikutukses .
Gu on mahto sammutakkua virranlähte - kodisähkö voibi samuttua ičel , käyttiä sammutindu libo sähkömittarin avtomuattistu sammutindu .
Gu kärzinyh on suannuh sähkösatatuksen tevolližuslaitoksel libo korgeijännitysverkos , pidäy vuottua avaarii-pellastuspalveluloi .
Kärzinyön puoleh mennes astukkua muadu myöte pienin askelin .
Eistäkkiä kärzinyön piälpäi raudulangu kuival , sähkövirdua vedämättömäl ezinehel (keppi , plaustiekku ).
Siirdäkkiä kärzinyh sovis loitomba 10 metrii sit paikas , kus raudulangu koskettau muadu libo laittehis , kuduat ollah sähkövirran al .
Tarkastakkua , hengittäygo ristikanzu .
Gu ei ole elaijan merkii , luadikkua syväin-keuhkoloin reanimatsii .Kuččukkua (iče libo rinnal olijoin avul ) kiirehellizen avun briguadu .
Luadikkua syväin-keuhkoloin reanimatsii sinnessäh , kuni ristikanzu ei rubie hengittämäh iče libo kuni ei tulluh kiirehellizen avun briguadu .
Hengityksen uvvistandan jälles (libo ku kärzinyh hengitti ) virutakkua kärzinyh bokalleh .Tarkastakkua hengitysty kiirehellizen avun briguadan tulendassah .
6.8. Ezmäine abu myrkyllizien elättilöin puremizes da n’okkuamizes .
6.8.1. Ezmäine abu mavon n’okkuamizes .
Älgiä liikutakkua kibiedy rungan ozua .Jallan n’okkuamizes sidokkua se toizeh jalgah .
Ku lienne mado n’okkai kädeh - kiinnittäkkiä se rungah kynäbrykses nostettuu .Voibi panna vilu kibieh kohtah .
Gu ei ole elaijan merkii , luadikkua syväin-keuhkoloin reanimatsii .Kuččukkua (iče libo rinnal olijoin avul ) kiirehellizen avun briguadu .
Luadikkua syväin-keuhkoloin reanimatsii sinnessäh , kuni ristikanzu ei rubie hengittämäh iče libo kuni ei tulluh kiirehellizen avun briguadu .
Hengityksen uvvistandan jälles (libo ku kärzinyh hengitti ) virutakkua kärzinyh bokalleh .Tarkastakkua hengitysty kiirehellizen avun briguadan tulendassah .
6.8.2. Ezmäine abu böbököin puremizes .
Böbökän puremizen jälles ottakkua böbökän n’okku purendukohtaspäi .
Pangua vilu purendukohtah .
Allergiireaksien huomattuu kiändykkiä liäkärin luo .
Tarkastakkua kärzinyön tilua kiirehellizen avun briguadan tulendassah .
6.9. Ezmäine abu tainehtukses .
Tunnusmerkit : valgei nahku , vuottamatoi lyhytaigaine tainehtus .
Virutakkua kärzinyh bokalleh , vällendäkkiä galstukku , piälyssobien kaglus da remeni , heitäkkiä jallačit , piästäkkiä veresty ilmua hengittämizekse .
Gu ristikanzu on tainehtuksis 3-5 minuuttua hätkembän , kučukkua (iče libo rinnal olijoin avul ) kiirehellizen avun briguadu .
Yhtelläh yksikai pidäy kävvä liäkärih tarkastukseh da tiijustua , min periä oli tainehtus .
6.10. Enzimäine abu suonenvevos .
Tunnusmerkit : vuottamattomat , ritman mugah tapahtujat konvul’siet , ei ole hengitysty /hajuu , sylgi libo vuahte suuspäi , silmien pyörindy , kielen puremine .
Suonenvevon aigua pietelkiä kärzinytty (gu häi kuaduu ), pidäkkiä (no älgiä painakkua ) hänen piädy da rungua , gu häi ei sattavus .
Jälles tainehtustu ristikanzu voibi olla tolkuttah .
Virutakkua kärzinyh bokalleh .Kučukkua (iče libo rinnal olijoin avul ) kiirehellizen avun briguadu .
Yhtelläh yksikai pidäy kävvä liäkärih .
Ezmäine abu satatuksis, suvastukses, korgielois temperatuurois, hiimiellizis ainehis suadulois voimattomuksis; myrkyllizien elättilöin puremizen da n’okkuamizen jälles
Livvi
New written Livvic