Texts

Kylyh männeššä itetäh

June 23, 2025 in 16:19 Нина Шибанова

created the text
created the text: Oletko, valkeilla ilmoilla šiätelijä vualijaiseni, vuara vuarasilta yksin varvoin valitut vakavat lehtivaštaset varuššellun vaimalalla vartuvuollani vallan viimesih vakavih vaššan löylykylysih valkovartaloisieni valvotella? Iče vallallisien valkeijen alliloijeni kera vallan viimesissä varilokylysissä vuaklo vartaloisieni varvoteltavikse. Vielä oletko, vualijaiseni, vuahen jauholoista vallan ašetelluot vuahtimuilaset varuššellun? Vieläkö, ankeijen vaivojen näkijä vualijaiseni, [olet] valkiet varšišopaset varuššellun vallan viimesistä valkie kylysistä vuatiččeutuo vaivojen näkömättömih vualimih varoin? Vain, valkeilla ilmoilla šiätelijä vualijaiseni, kun vaimalolla vartuvuolla vallan vaimaloisekšeni vallan viimesih vuaklokylysih vallan kualelen iče vallan entisien valkeijen alliloijeni kera, en voi val'l'ašvaršasitta enyä kualella, niin vaimalan vartuvuoni vallan nuoret vuaklo polvuoni vaivutah. Kun ei olle, vualijaiseni, val'l'ašvaršasie, niin hoti ihalat issuinstuulaset kualattele. Anna issuinstuulasien varasissa innon kualettelen. Anna, ankeh vartuvuoni, vielä avoproškenjaisie aijan myöhäsih allikylysih [lähtiessä] anelen. Et tiijä, olen aijan vähäsien allinimysien aijan ylentelyijällä aikojaistani ankehin šanoin apivoinun.
created the text translation