Texts

Anna vallotteliuvukšentelen

June 24, 2025 in 13:01 Нина Шибанова

created the text
created the text: Anna vallotteliuvukšentelen iče varrellisien valkeijen allisieni keralla valkien hyväseni vainivopeltosien pientaruisilla, kuilla olen vaimalo vartuvoni ylenekšennellyn. Ni annapa iče kujillisien kulu allisien keralla kujin kualelen tai kujin ainuon kuklamarjan kuvuajaiseni lapšen keralla kulekšentelen. Luaskavan hyväseni laštupihasie myöten luavun kualelen luavun jälkimmäiset kertaset. Ka kukali kuulukšenneltaneh kukkahat kukkaiänyseni kuumieh kuušikkomeččäsih, ni šikäli ne kumauvukšennelkah. Ta kukali kajokšennellah kaunehet kanaiänyseni, šikäli ne kuavukšennelkah kauhiet katajikkomeččäset esih kajon omattomien vierahien kannettuisien, anna ne niitä karšikšenneltais. Niin ne aikaset vielä iče kajollisien tai kantajaini lapšen keralla kajon kualelisin yksissä kanastuatasissa. Ka anna pieni luatu hyväsieni laštupihasilla lankettelen luavun nuorukkaiset vuaklonimyseni. Tai kulu hyväseni kuuriččaikkunaisien alla kumauttelen kujin nuorukkaiset kuklanimyseni, nin anna niistä hoš kukkahina kultapiäheinäsinä kujin ylenekšennelläh kukkahat kuklanimyseni kulu hyväseni kuuriččaikkunaisien alla. Elä, kuvuajaiseni lapši, kurjien rautojen täh niitä kumuale miun kukkahie česvasieni, kuin mie tiän kukkahuisista kujin kualelen.
created the text translation