Texts
Return to review | Return to list
A vuota rupielen kaunehet
history
June 25, 2025 in 11:00 Нина Шибанова
- created the text
- created the text: A vuota rupielen kaunehet kevät kaunistoiset tai kevät ihaluiset ihalempi ošasien itvomaisie innon šilmittelen ta innon luajittelen. Kun vet on kaunehempi mielialoilla kajon kualella kajon kaunehina kevätkaunistoisina. Ta vet joi ruvetah valtavetysien piällä vallan kualelomah jo valkiempi ošaset vualimaiset, ka mie vain kačahtelen, kaihovartuvoni kun olen, kaunehempi ošallisie kannettuisie kačahtelomah tai kajon luajittelomah. Viekkahempi ošaset viihyttämäiset visallisien viešlöväaikasie vieretelläh viekkahien mielialojen keralla, tai kukkahempien mielialojen keralla kulekšennellah. Mie vain kurja vartuvon kujin šilmittelen tai kujin luajittelen, kun viekkahemmilla ošilla viihyttämäiset visan kualellah. A vielä še tullah kešäviešlöväiset ta vihantaiset visan kualellah, ka, viekkahempi ošalliset viihyttämäiset vet jo kaššeheinäsie kajon ečitelläh tai kajon luajitellah. Miun ei ole kaiho vartuvon esissä kajon ečittelijäisie. Kun olen kajon olovaiset aikaset vet kajollisien kaunehempi ošallisien kannettuisie kačahtelin. Ta vihantaheinäsie viešlövämpi ošalliset viihyttämäiset visan kualellah jo viekkahempien mielialojen keralla, mie vain vierono... Mie vain vierettelen ta visan luajittelen, kun olen visan olovaiset aikaset visan kohtalahisen viekkahih šyntysih visan luajitellun. Visan pikkaraisista šuahe viihyttämäiseni visan ylennellyn täyšivisallisiksi. Ei olei mitä šuojasie viihyttämäisistä eikä šulasie. Eikäi sulasie, eikäi šuojasie. Šuoritteli šuimun kohtalahini šuojaset. Ei ašninnun šuojasissah šuimun kualella. Šuojaset šuoritteli ta ei ašninnun šuojasissa olla, šukeih šyntysih šuoritella piti. Vallan armottomien vualimaisien kera vallan armottomie vallan ylennellyn ta aikasieni vallan alennellun koko ikäseni.
- created the text translation