Texts
Return to list | edit | delete | Create a new | history | Statistics | ? Help
Valentina Libertsova. Kezätaivalas
Valentina Libertsova
Kezätaivalas
Livvi
New written Livvic
Kezäkuun
päivy taivalas .
Valpahat pilvet taivahas .
Puoles dai toizes mečät ,
Rigeikköh hävijät tropat .
Vedoit , päiväzel läpettäjät ,
Aldozet , nukkujen läikkyjät ,
Kivet , rauhuttu vardoiččijat ,
Nurmet , reunazii kattajat .
Heinäzet nuoret , vihandat ,
Kukkazet silmii avuajat .
Hieruzis läbi ajammo ,
Rahvahan elaigua kačommo ,
Tuttavat kuvat vastuammo ,
Kevätruadoloi tunnemmo .
Mua , nägyy , vaste kaivettu ,
Vagozet tarkasti luajittu ,
Kazvoksien nouzendua vuotetah ,
Ižändät rinnal hälistäh .
Uskommo , kaikil himoittau
Čomendua koit da pihat –
Eräs maltajen kohendau ,
Toizel – köyhembät tilat .
Jygei on hierus eliä ,
Ruavota kuibo suau kestiä ?
Linnoih muuttunuot keziä
Vuotetah – kodoilas eländiä .
Pannah kundoh armahat muat ,
Čomendetah koit dai pihat .
Ruadua dai huogavuo jovvat ,
Konzu ymbäri kai ollah omat .
Kuulet muamankielen sanat ,
Karjalazien pajoloin iänet .
Taratetah kiistai , gu kanat ,
Sanellah uudizet dai unet .
Ajajes mielii sellität ,
Midägi parembua toivotat ,
Pädöy , gu on toiči dorogat ,
Olgah hos mit vuvvenaijat .
Kezätaivalas
Livvi
New written Livvic