Texts
Return to review | Return to list
Краткая Священная исторiя. Evreit Egiptas
history
August 01, 2025 in 09:34 Ирина Новак
- created the text
- created the text: Evreit Egiptas. Yksi Juakoin poigis oli Osippu. Juakoi erikseh suvaičči händy hänen syväin¦puhtahuon i tyynyön täh. Osippu nägi unet, kudamat ozutettih, jotta hänen vellet ruvetah kumardelemaheze hänele. Sendäh toizet vellet ruvettih händy vihuamah i peitoči myödih händy Egiptah. Täs paganoin muas Osippu pyzyi oigien Jumalan uskojannu; i sendäh Jumal azui hänen kuulužakse. Osippu arbai Faraonale, Egiptan Kuningahale unet, kudamat sanottih, jotta tuloo seiččen¦vuodine nälgy. Faraon käski hänele varustua leibiä nälgy¦vuozikse, i pani hänen ičen jälles enzimäzeikse valdu¦miehekse Egiptas. Konzu tuli nälgy, Osipan vellet tuldih Egiptah ostamah nižuu. Osippu tunnusti heijät, iče tunnustih heile, prostii heijän viäryön ičen ies i kučui heijät, yhtes oman ižän kere, Egiptah. Evreit jiädih sinne i jälles Juakoin i Osipan kuolendua, i ylen äijäl ližettih. Uuzi Egiptan kuningas rubei varuamah Evreiloi, kui vierahii tulijoi. Häi rubei pidämäh heidy, kui nevol'niekkoi: vaivai i tahtoi azuo heijät väittömäkse vaivoil ruadoloil, a jälgimäi käski tapella heijän pienii poigu¦lapsii. Jotta kui piästiä heidy Egiptas häviemäs, Jumal työndi Moisein. Konzu rodiiheze Moisei, emä tahtoi peittiä hänen, jotta kui ei tapettas händy Egiptalaizet; no konzu enämbi ei voinuh peitellä, sit vei hänen jovele i työndi vedeh tervatus viršis. Sie löydi hänen Egiptan kuningahan tytär i kazvatti i opasti hänen kui oman poijan. No Moisei tahtoi parembi olla vaivas Jumalan rahvahan kere, mi kui herrastua paganoin kere; i sendäh pageni Faraonan kois. Jälles, Jumalan käskys, tuli häi Faraonan luo oman vellen kere Aaronan, i Jumalan nimel kyzyi, jotta Evreit olis työtyt Egiptas iäres. No kui Faraon ei tahtonuh työndiä; se Jumal azui suuret kummat i muokkai Egiptua moneh luaduh, jälgimäine muokkuandu oli se, jotta Angeli yhtes yös tapoi kai Egiptalaizien enzi¦lapset. Sil samal yöl Jumal vietti Evreit Egiptas iäres i käski heile, juuri matkah lähties, pidiä Piäziäizen, i iele päin pidiä sidä oman piäzendän mustelemizekse. Egiptalaizet ajettih jälles Evreiloi, no Jumal kummasti piästi Evreit i hävitti Egiptalaizet. Suurel vägeväl tuulel eroitti Häi kaksiele Čermnoin (ruskien) meren muga, jotta Evreit mendih poikki kuivua meren pohjua myö; a konzu heijän jälles lähtiettih Egiptalaizet, meri katoi heijät i hyö upottih. Piäziäizen piendy oli sen moine, jotta iškiettih lahjakse puhtas lammas, se on kudaman hibjas ei olluh ni miitustu vigua; se lammas, malitun kere syödih muigiemattoman leivän (kere) i kargien heinän kere. Lahju se oli sen tunnuksennu, se on, muga sanuo, iele¦päin nägyväizenny kuvannu, kui uskaldetule muailman Spuasale pidiä tuvva Iččie lahjakse inehmizien piästämizen täh kehnon vallas i riähkäs.
- created the text translation