Texts
Return to review | Return to list
Kogo Ven’an lypsäjien kilbu pietäh Vladimiras
history
August 04, 2025 in 14:57 Нина Шибанова
- created the text
- created the text: Elokuun 26.^–29.^ Vladimiran alovehen Suzdalis jo 29.^ kerdua ruvetah pidämah kogo Ven’an lehmienlypsäjien kilbua. Kilvan piendypaikan on hyväksynnyh Ven’an muatalovusministerstvu. Maijon lypsämizen tuloksien mugah Vladimiran aloveh on Ven’an parahimii alovehii. Eibo ni petties se oli vallittu kogo Ven’an lypsäjien kilvan pidämizeh niškoi. Juuri sie vuvvennu 2023 Šihobalovan maidoferman lypsäi Jevgenija Majorova rodih čempionakse lypsäjien keskes. Gu yhtyö kogo Ven’an lehmienlypsäjien kilbah, parahii lypsäjii ezmäi vallitah tazavallois da toizis alovehis. Karjalan tazavallan parahakse lypsäjäkse rodih Anuksen piirin Magriän eläi, kylän karjusouhozan ruadai Natalja Svetlova. Lypsäjien kilbu Mägriän kyläs oli pietty 27.^ kezäkuudu da sih yhtyi kymmene lehmienlypsäjiä Mägriän, Alavozen, Tolvujan da Vieljärven karjusouhozoispäi. Kilbu oli juattu nelläh ozah. Kilbuniekoil pidi ozuttua, kui hyö varustetahes lypsämizeh, kui kerätäh lypsändyaparuattu, pannah se ruadoh, lypsetäh da uvvessah riičitäh. Se kai pidi azuo terväh. Eriže pidi vastata annettuloih kyzymyksih. Kaikes sit kilbuniekku voinnus suaja sada ballua. Kai parahat sijat otettih Mägriän souhozan ruadajat. Muga lypsäi Natalja Svetlova sai 99,05 ballua. I se rodih parahakse tuloksekse kilvan histouries. Toizele sijale piäzi Tatjana Kalinina, kolmandekse rodih Nadežda Onojeva. Sijoin mugah voittajat suadih den’gulahjat sada, seiččiekymmen da viizikymmen tuhattu rubl’ua. Kui merkičči Karjalan mua- da kalatalovuon ministru Ol’ga Palkina, moizet kilvat ozutetah, gu lypsäjän ruado on ylen tärgei da arvokas. Pidäs, gu nuoret nähtäs da ellendettäs sidä. Tänäpäigi nygyaigazien tehnolougieloin rinnal on tärgei säilyttiä vahnoi perindölöi.