Texts
Return to review | Return to list
Tytär tulou, muamoz viesti tulou, siid jongoi
history
August 21, 2025 in 12:37 Нина Шибанова
- created the text
- created the text: Mindäh n ollou jo nygöi kargijaizen (i) naizen tulendu kerdazile nämih jo kaunehihi kazvandupihaizih... Kai n ollah ni kujopielyzedi nämien kerdoin tulendu ylen (i) kručinazissah da. Mikse n ollou nämien kerdaizien tulendaizele naizen (i) kargijaizen (i) ko ollah neni k aiduvieryizedi ylen atkalaizissah? Mikse n ollou minun (i) tämän kerdaizien tulendaizih (e) nämile kaunehile kazvandupihaizile ylen (i) pimied (i) pilvyödi seizatuttu? Mid ollou kukkahad (i) kummaized (i) roiteltuhe nämien (i) kerdaizieni tulendaizile? Oli gu toized (i) kerdaized (i) tulin, nämiz piha zizi solovoid (i) linduized (i) soittelemaz da, piäčköilinduized (i) pajattamaz da. Mindäh n ollou joi nämien (i) kerdaizien (i) tulendaizile solovoidi linduizil (i) on sorkaized (i) katkettu ga, dai on piäčköilinduizil (i) piähyöd murruttu ga? Midbo kukkahid kummazin ollou rodinuh minun nämien kerdaizien tulendaizile kaunehien kammarizien pihah. Toizid kerdaizit tulinhäi, nouzi joi nämile oččuseinäzile pitkiz dorogaizis tulduu jupkan helmaizih kuivaitan kuldaizedi nadoizedi azetelduu. Mindäh ollou jo nämien kerdaizien tulendaizille kai ne on i pardoizien (i) aluizedi šokkaizedi on (i) katkettu? Mindäh ollou kargijaizele naizele nämien kerdaizien tulendaizile kai porraz polkaizih on oksaizedi kazvettu ga? Midbo i kukkahii kummazii ollou rodinuh kargijaizen naizen tulendaizile ga? (Siid senččoiveräjäh gu tulou, jo toizii itköy:) Tulinhäi toizih kerdaizih, ga oli kalliz armoizeni vie senččoiverähyzile vastailemaz ga. Mindäh ollou nämien kerdaizien tulendale suutuksendelluh ga? Tulinhäi pertin čurah, ga oli naizen (i) kargijaizen (i) toizien kerdaizien tulduu tulen pielyzis lämmiveroizii varustelemas? Mindäh nygöi eule ni kallistu ni armostu ni lämmii veroizii keittämäz ga. Vuotaz opin i kačahtellakseh, Eigo n ole hod (i) kargijaizeni naine hot pečalnoiloile päččile vanhoi rungaizii painelemaz ga? Tyhjäd vai on pečalnoid (i) päččized ga. Kunne n ollou kalliz armoizeni kavoksennelluh? Vuotaz opin i magavustilaizile kaččuo, eigo ole hod (i) koikkazis pehmielöile tilaizile ruhjovunnuttu rungastu painelemaz ga? Oi ongo nämien kerdaizien tulendaizele kargijaizele naizel, g ei kallistu ni armostu ni nävy ni mil kohtazil. Vuota nygöi n opin hoz (i), naine kargijaizeni, mennä jo kallehien spuassazien eduizih ga. Niih aigah on kalliz armoizeni gu on kaččuotava, oigieloil lauččazil on oijendeldu dai valgieloih sobazih g on šuoriteldu ga. Naizeni kargijaizeni kaččo kummastu mittumua, g on kallistu armostu valgieloile katepalttinaizien alle kateltu ga. (Sid itköy da, sih lopeh se virzi).
- created the text translation