Texts

Kus minun on d’uuret?

August 21, 2025 in 19:44 Александра Родионова

created the text
created the text: Terveh teile! Minä olen Galina Vasiljeva. Sanottii, pidäv kirjuta oma elaigu. Mih, misbo minä olen, karjalaine? Kus minun on d’uuret? Midä minä suvaičen? Da kui minä elin? Minä elin Nuožarves. Siit on minun d’uuret, minun tuatto on Filin Boris Stepanovič, muamo Lidija Grigorjevna Filina. D’uuret muamon da babazen oldii loiton Petrovskoil, Zaonežje, Spasskaja guba. Heile on moizet čomat kohtas, kus oli Uspenskaja cerkov’. Konzu kačot, kui se, konzu myö olimmo sigal, kui se on pandu, dumaičet ainos pidäv, štob se olis. Ainos ljudi, ainos myö sinne tahtoizimme männä da sanoda: suuri passibo meijän kaikile rahvahale, kui hyö eletiii, kui pandii oma mieli da oma kieli, muga se pidäv anda meijän lapsil. Nuožarves minun tuatto da muamo ainos ruattii. Heile oli oma kodi, omat peldot i ainos pidi matkada, štobi kaikki oli pertis, kaikki oli stolas dai myö heiden ker ainos olimmo dielos. Konzu meččää, konzu marjaa, konzu vse heiniä pidi lehmäle otta i marjaa kerata. No oli ylen vessel. Sanon: passibo meijän muamale da tuatale, muga elädä pidäv. Muga pidäv kaikin päivin, štob se olis ruados da tolkus.
created the text translation