Texts
Return to list | edit | delete | Create a new | history | Statistics | ? Help
Sem’onov P’otr . Eskimosat
Sem’onov P’otr
Eskimosat
Livvi
New written Livvic
Muailmal
on kohtu , kus vaiku kolme kuudu olettelou kezä , a toizel aigua on talvi .Talvel päivät ollah moizet lyhyöt , ga päiväine vai nouzou dai kerras laskehes .A kolme kuudu , parahite keskitalvel , päiväine ei nouze ni vouse , kolme kuudu on pimei .Sit muas eletäh rahvas , kudamii sanotah eskimosoikse .
Net rahvas paistah omah kieleh , toizii kielii ei ellendetä da omal kodirannalpäi ei ajella nikunne .Eskimosat kazvol ei olla korgiet , ga piät heil ollah aiga tobjat .Heijän nahku ei ole valgei , on muzavanruskei , tukat mustat da tuuhiet .Heijän nenät ollah kaijat , šokkuluut leviet , silmät pikkarazet .
Eskimosat eletäh lumikodilois .Niilöi hyö azutah nenga .Lumes leikotah kirpiččöi da päčin jytyi nostetah niilöis kodi .St'oklien sijah hyö pannah seinih jiäpalat , a veriälöin sijah azutah pitky truba lumen alle da niilöi trubii myö piästäh omih kodiloih .Konzu tulou talvi , heijän koit kaikkielpäi täppiäy lumi da sie roihes lämmin .
Eskimosat syvväh pedroi , hukkii , valgieloi kondieloi .Hyö pyvvetäh kalua meres ongiruagoil da verkoloil .
Elättilöi hyö tapetah piššaliloil , piililöil da keihäksil .Eskimosat , gu zvierit , syvväh ruohkua lihua .Heil ei ole pelvastu da liinua paijoin da nuorien azundakse , ei ole villua vuattiekse .Nuorua hyö azutah zvierilöin suonis , sobua — zvierilöin nahkois .
Hyö otetah kaksi nahkua , luajitah kalan ruvvil loukkozet da
ommellah suonil .Hyö muga ommellah paidoi , štaniloi da kengii .
Rauduvehkehii heil sežo ei ole .Keihäksii da piililöi hyö azutah
luulois .Hyö ylen äijäl suvaijah syvvä zvierin da kalan razvua .
Naizet dai miehet sellitäh yhtenjyttyöh .Vaiku naizil ollah ylen leviet kengät .Niilöih levielöih kengien siärih hyö pannah pienii lapsii da muga kannellah heidy .Keskitalvel eskimosoil on kolme kuudu pimei .A kezäl päiväine ei laskei ni vähäzekse da yölöi ei ole nivouse .
Eskimosat
Livvi
New written Livvic