Error:
Permission denied
Texts
Return to list | edit | delete | Create a new | history | Statistics | ? Help
Sem’onov P’otr . Mužikku da hebo
Sem’onov P’otr
Mužikku da hebo
Livvi
New written Livvic
Mužikku
ajoi linnah ostamah kagrua hevole .Vaiku lähti kyläspäi dai hebo rubei kiändymäh järilleh kodih .Mužikku iški hebuo pletil .Hebo lähti da duumaiččou :
– Kunnebo häi töhlö minuu ajau . Parembi olis kiändyö kodih .
Linnua vaste mužikku nägöy , ku hevol on jygei astuo ligua myö , da punaldi kohendetule tiele .Hebo kiändyi iäres siepäi .Mužikku iški hebuo pletil da riuhtai ohjaksis .Hebo lähti kohendettuu tiedy myö da ajattelou :
– Miksebo häi työndi minuu lujua tiedy myö kabjoi murendamah . Täs jalloin al on kova .Mužikku ajoi laukan luo , osti kagrua da lähti ajamah kodih .Konzu häi tuli kodih , andoi hevole kagrua .Hebo rubei syömäh kagrua da ajattelemah :
– Mittumat mielettömät ollah rahvas ! Meijän ies vai suvaijah ozuttua omua mielevytty , a heil mieldy on vähembi migu meil .Miksebo häi pidi huoldu ?Kunnelienne ajeli da kiirahutteli minuu .Min myö ajelimmo , a kiännyimmö kodih .Parembi ollus kerras jiäjä kodih .Häi istunus päčil , a minä syönnyzin kagrua .
Mužikku da hebo
Livvi
New written Livvic