Texts
Return to list | edit | delete | Create a new | history | Statistics | ? Help
Sem’onov P’otr . Pedri Enzimäine da mužikku
Sem’onov P’otr
Pedri Enzimäine da mužikku
Livvi
New written Livvic
Mečäs
Pedri-tsuari vastavui mužikan kel .Tsuari sanoi :
– Jumal abuh , mužikku !
Mužikku vastai :
– Toven , minule pidäy Jumalan abu .
Tsuari kyzyi :
– A ongo suuri sinun pereh ?
– Minun perehes on kaksi poigua da kaksi tytärdy , vastai mužikku .
– Sit ei suuri ole sinun pereh . Kunnebo sinä panet dengat ? kyzyi tsuari .
– A dengat minä panen kolmeh vuittih : enzimäzikse velgoi maksan , toizekse — velgah annan , kolmandekse — vedeh lykin , saneli mužikku .
Tsuari ajatteli , ga ei puuttunuh pon’ah , mih mennäh ukon sanat : velgoi maksau , velgah andau , vedeh lykkiy .
Ukko sanoi :
– Velgoi maksan — tuattua da muamua syötän , velgah annan — poigii syötän , a vedeh lykin — tyttärii kazvatan .
Tsuari sanoi :
– Ukkoine , piä sinul hyvin ruadau .Nygöi vietä minuu mečäspäi .Minä en voi löydiä tiedy .
Mužikku sanou :
– Iče lövvät tien .Astu oigieh , sit punaldai oigieh čurah , a jälles hurah čurah , sit tuaste oigieh čurah .
Tsuari sanoi :
– Täh minä en ole opastunnuh .Sinä vietä tiäpäi minuu .
– Minul , herru , ei ole aigua vietellä . Muanruadajan päivy on kallis .
– Gu ollou kallis , sit minä maksan , sanoi tsuari .
– Maksanet — läkkä , sobii mužikku .
Hyö istuttihes tarataikkah da lähtiettiin ajamah .
Tsuari rubei kyzelemäh mužikkua ajajes :
– Sinä , mužikkaine , olitgo loitton ?
– Olin kudakus , vastai mužikku .
– A näitgo tsuari !?
– Tsuarii en nähnyh , a pidäs kačahtuakseh , vastai mužikku .
– Sit nenga , vaiku ajammo pellole dai näit tsuarin .
– A minä kuibo tunnustan hänen ? kyzyi mužikku .
– Kaikin roitahes hattuloittah , vaiku yksi tsuari hattu piäs .
Hyö tuldih pellole .Rahvas vai nähtih tsuarii dai kaikin heitettih hatut piäs .Mužikku tarkah kaččou , a tsuarii ei näi .Sit häi kyzyi :
– A kusbo on tsuari ?
Hänele vastai P’otr Aleksejevič :
– Näitgo , vaiku myö kahtei olemmo hattulois .Sit kudaitah meis on tsuari .
Pedri Enzimäine da mužikku
Livvi
New written Livvic
–
–
–
–
–
–
–
Tolstoi, Lev
Пётр I и мужик
Russian
—
—
—
—
—
—
—