Texts
Return to list | edit | delete | Create a new | history | Statistics | ? Help
Sem’onov P’otr . Kirikköherru da rozvo
Sem’onov P’otr
Kirikköherru da rozvo
Livvi
New written Livvic
Yhty
rozvuo ammui ečittih .Kerran häi muutti sovat da tuli linnah .Linnas händy tunnustettih politsiimehet da ruvettih ajamah jälles .Rozvo pagei heis da juoksi kirikköherran koin tyveh .Veriät oldih avvoi da häi meni sen pihah .
Käskyläine kyzyi :
– Midäbo sinule pidäy ?
Rozvo ei tiedänyh midä vastata da sanoi , midä piäh tuli :
– Minä ečin kirikköherrua .
Kirikköherru otti vastah rozvon da kyzyi , mikse se tuli hänen luo ?
Rozvo vastai :
– Minä olen rozvo , minuu ečitäh . Peitä minuu , eiga minä tapan sinun .
Kirikköherru sanoi :
– Minä olen vahnu , surmua en varua , ga minul on žiäli sinuu . Mene tuoh pertih .Sinä väzyit , huogavu .A minä työnnän sinule syvvä .
Politsimiehet ei ruohtittu mennä kirikköherran kodih , sit rozvo jäi hänen luo yökse .
Konzu rozvo huogavui , kirikköherru tuli hänen luo da sanoi :
– Minul on žiäli sinuu , ku sinä olet vilus da nälläs . Da ku sinuu tabailtah , gu hukkua .Ga kaikis žiälivin minul on sinuu sendäh , ku sinä azuit äijän pahuttu da suatat surmah omua syväindy .Heitä pahamuandu .
Rozvo sanoi :
– Ei , minä jo en voi vieravuo pahas , rozvomu elin , moizennu kuolengi .
Kirikköherru lähti , salbai kai veriät da vieri muate .
Yöl rozvo nouzi da rubei kävelemäh pertti myö .Hänele ozuttihes kummakse , ku kirikköherru nimidä ei salvannuh da kai veriät jätti kahtalleh .
Rozvo rubei kaččelemahes ymbäri — midä suas hänel varrastua .Nägi suuren hobjazen tuohusjallan da duumaiččou :
– Minä otan tämän vehkehen , se on kallis . Minä lähten tiäpäi iäres , a ukkuo tappamah en rubie .
Mugai ruadoi .
Politsimiehet ei lähtietty kirikköherran koispäi , ainos vardoittih rozvuo .Ehti vai häi lähtie koispäi , händy ymbäröittih da hänen sovan ual löyttiin tuohusjalgu .
Rozvo rubei kieldävymäh , ga politsimiehet sanottih :
– Hos endizis pahuzis sinä puččinettos , ga tuohusjallan varrastandas kieldävyö et voi . Läkkä kirikköherran luo , häi viärittäy sinuu .
Rozvo vietettih kirikköherran luo , hänele ozutettih tuohusjalgu i kyzyttih :
– Ongo tämä vehkeh teijän ?
– Minun on , vastai häi .
Politsimiehet sanottih :
– Teil varrastettih tämä vehkeh , a tämä on varras .
Rozvo oli vaikkani , hänen silmät pyörittih gu hukal .
Kirikköherru ei sanonuh nimidä , meni pertih , sie otti sen tuohusjallan pangan , andoi rozvole da sanoi :
– Sinä , dovariššu , mindähbo otit vaiku yhten tuohusjallan ? Minähäi lahjoitin sinule molembat .
Rozvo tikustih da sanoi politsimiehile :
– Minä olen varras da rozvo .Ottakkua minuu !
Sit häi sanoi kirikköherrale :
– Prosti minuu Hristua ruadi da molei minus tuači Jumalale .
Kirikköherru da rozvo
Livvi
New written Livvic
–