Texts

Hospodi dai boože blahoslovi Kristos

September 01, 2025 in 11:00 Нина Шибанова

created the text
created the text: Hospodi dai boože blahoslovi Kristos. Blahosloviatto jo, suuret syndyžet, seinil seižojat selgiät syndyžet, i minun yksiz vačoiz vualittuu kuldaštu kudrii nemmil pädövil päiväžil ozavembile ozažil. Emmo provodi nin, tuamenuttu, nin tuhanzužii tuamah, emmo provodi ni, sammuštu, ni sadažii tuamah. Vai provodimmo, viärehtynnytty, viassattuloi verožii syämäh, arbaittuloi askelužii astumah, vojennoloi sluužbažii sluužimah. Oi armahad (i) suured (i) syndyžet, seinil seižojat selgiät syndyžet, i blahosloviakkua jo minun yksiz vačoiz vualittuu kuldaštu kudrii tuhanziz ozažiz turbiambile ozažile, savoiz ozažis sagiambilen ozažile. Pestyne lähtöy ylen pitkile matkažile dai... …^Kai sellitetäh händy saldatskoloi formažih. Algiä jo, suuret syndyžet, händy unohtelkuatto, avutelkuatto jo händy kebiämbih pualužih, armahat suuret syndyžet. Viä minä pakičen, armahat suuret syndyžet, kaččuatto jo dai karavuulikkua kaikiz liijoiz. Viarahile randažile lähtöy nuaril miälyžil elämäh. Pangua jo surdunuale, suuret syndyžed, duhovskoid miälyöd da angel'skoit ajatuksuat. Älgiä armahat suuret syndyžed, unohtelkuatto minun yksiz vačois vualituštu kuldaštu kudrii. Kui myä, udražet, händy ruvennemmo unohtelemah, kui myä ruvennemmo, ebelöžet, hänez eroilemah. Meile kargijažile rodiav ylen (i) suured (i) kadomižet kaimailemmo.
created the text translation