Texts
Return to list | edit | delete | Create a new | history | Statistics | ? Help
Sem’onov P’otr . Tulipalo
Sem’onov P’otr
Tulipalo
Livvi
New written Livvic
Leikkavoaigah
mužikat da akat mendih ruadoh .Kyläh jiädih vaiku vahnat da lapset .Yhtes kois oldih baboi da kolme vunukkua .
Baboi lämmitti päin da vieri huogavumah .Händy vaivattih kärbäzet .Häi katoi piän käzipaikal da uinoi .Kolmevuodine vunukkaine Maša avai päin , keräi hiildy astiehuoh da meni senčoih .A senčois viruttih lyyhtehet sidielöikse .Maša toi hiilet , pani lyyhtehien uale da rubei puhumah niilöih .Konzu ollet sytyttih häi ihastui , meni pertih da käis vietti vellen Kir'uškan , kudai oli puolitosuvuodine da se vaste vai opastui kävelemäh .Maša sanoi :
– Kir'uška , kačo mittuman minä päin viritin .
Lyyhtehet jo palettih da radžistih .Konzu senčoi rodih täyzi savvuu , Maša pöllästyi da juoksi järilleh pertih .Kir'uška sordui kynnyksele , satatti nenän da itkustih .Maša ribaitti hänen pertih da hyö mollei peityttih laučan uale .Baboi magai , ei kuulluh nimidä .Vahnin kaheksavuodine brihačču Van'a , piädyi olemah pihal .
Konzu häi nägi kui senčoispäi nouzou savvu , meni veriäh , läbi savvus juoksi pertih da rubei nostattamah baboidu .Baboi unimielis hämmästyi da unohti lapset .Häi hyppäi da juoksi pihale kuččumah rahvastu .Silaigua Maša istui vaikkani laučan ual .Vaiku pikkaraine brihaččuine ravizi gu kibiesti satatti nenän .Van’a kuuli hänen itkun , kačahtih laučan uale da kirgai Mašale :
– Juokse iäres , palat !
Maša juoksi senčoih , ga läbi savvus da tules ei suannuh piästä .
Häi kiändyi järilleh .Sit Van’a avai ikkunan da käski hänele tungiekseh .Konzu häi piäzi , Van’a tabai vellen da ribaitti händy .Ga brihaččuine oli jygei da ei andanuhes vellele .Häi itki da ähkii Van’ua .Van’a kaksi kerdua sordui , kuni ribaitti händy ikkunan tyveh .Pertin uksi jo paloi .Van’a tungi brihaččuzen piän ikkunah da tahtoi ličata händy sih .Ga brihaččuine ylen äijäl pöllästyi , tartui käbäzil da ei piästänyh niidy .Sit Van’a rubei kirgumah Mašale : Vie händy piäs !
A iče tungi taganpäi .Silleh hyö suadih händy läbi ikkunas pihale
dai iče hypättih iäres .
Tulipalo
Livvi
New written Livvic
–
–