Texts

Andilas kyzyy blahosloven'n'aa ristižäl da rist'oil

September 01, 2025 in 12:59 Нина Шибанова

created the text
created the text: Kylmäine siemenyt, tulen kylvetändysijazil nämmä kerdazet kyzyjen. Tuonikkoine siemenyt, tulen kazvindoisijazil nämmä kerdazet toimittelen: viego voinen, imehyt siemenyt, tulla ajatandusijoil izmenättäh? Surendoine siemenyd, viego voinen suvindusijoil tulla suremattah? Leinäine siemenyd, d'äin liittoloin alazikse d'o, surendoine siemenyd, d'äin srokkazien alazikse d'o. Suvindoisijazil voinengo tulemattah olla. Vai en imehyt siemenyt tiedele: lienengo voinut, vaivaine siemenyt, vaalivon mielizen kamandan vastaella mielyzii myöten? Sit toinah roimmoh minä, melgivöine siemenyd, mielivöi mielizil mielizii myöten? Oi d'o tuonikon siemenyön ilmoin tuomenuot, net truudazet pidää Melgivön siemenyön ilmojen vezazed, gu voizitto mennä, ilmojen pestyzet, pelgožoin mielizillöö, ilmoin palgožuot, paginazii ottamah, hot’ seinän paazus brusakkazikse kuundelemah. Menigö vaivazen siemenyön vastailendazed mielyzii myöten vaalivo mielizil?
created the text translation