Texts
Return to list | edit | delete | Create a new | history | Statistics | ? Help
Sem’onov P’otr . Hiiri-tyttöine
Sem’onov P’otr
Hiiri-tyttöine
Livvi
New written Livvic
Ristikanzu
astui joven randua myö , nägi : korbivaroi kandau hiirdy .Häi lykkäi korbivaroih kiven da se piästi hiiren .Hiiri kirboi vedeh .Ristikanzu tabai viespäi hiiren da toi kodih .Hänel ei olluh lastu da häi sanoi :
– Avoi !A ku tämä hiiri muuttus tyttözekse !
I hiiri muutui tyttözekse .Konzu tyttöine kazvoi , ristikanzu kyzyi händy :
– Kellebo sinä tahtot mennä miehele ?
Tyttöine sanoi :
– Tahton mennä miehele sille , ken on kaikis vägevin muailmal .Ristikanzu meni päiväzen luo da sanoi :
– Päiväine !Minun tyttäryt tahtou mennä miehele sille , ken on kaikis vägevin muailmal .Sinä olet kaikis vägevin .Nai minun tyttäryös .
Päiväine sanoi :
– Minä en ole kaikis vägevin .Pilvet peitetäh minuu .
Ristikanzu meni pilvien luo da sanoi :
– Pilvet !Työ oletto kaikis vägevimät .Naikkua minun tyttäryös .
Pilvet sanottih :
– Ei , myö emmo ole kaikkii vägevimät .Tuuli ajelou meidy .
Ristikanzu meni tuulen luo da sanoi :
– Tuuli !Sinä olet kaikis vägevin .Nai minun tyttäryös .
Tuuli sanoi :
– Minä en ole kaikis vägevin .Mäit azetetah minuu .
Ristikanzu meni mägilöih da sanoi :
– Mäit !Naikkua minun tyttäryös .Työ oletto kaikis vägevimät .
Mäit sanottih :
– Vägevembi meidy on rottu .Se jvvöy meidy .
Sit ristikanzu meni rotan luo da sanoi :
– Rottu !Sinä olet kaikis vägevin .Nai minun tyttäryös .
Rottu suostui .Ristikanzu kiändyi tyttäryön luo da sanoi :
– Rottu on kaikis vägevin .Se jvvöy mägilöi .Mäit azetetah tuuldu .Tuuli ajelou pilvii .A pilvet peitetäh päivästy .Rottu tahtou najja sinus .
Ga tyttöine sanoi :
– Avoi !Kui nygöi minul olla !Kuibo minä menen miehele rotale ?
Sit ristikanzu sanoi :
– Avoi !A ku minun tyttäryt uvvessah muuttus hiirekse !
Tyttöine muutui hiirekse da hiiri meni miehele rotale .
Hiiri-tyttöine
Livvi
New written Livvic
–
–
–
–
–
–
–
–
–
–
–
–
–
–
–